Goa Jackfruit Festival: गोव्याच्या राजभवनात 'फणस महोत्सव'; देशातील 3 राज्यपालांची उपस्थिती

Goa Rajbhavan Jackfruit Festival 2023: गोव्याच्या राजभवनात शनिवारी, 11 जून रोजी फणस महोत्सवाचे आयोजन करण्यात आले होते. राजभवनातील दरबार हॉलमध्ये आयोजित या जॅकफ्रुट फेस्टिव्हलला देशातील 3 राज्यांचे राज्यपाल उपस्थित होते.

तेलंगणाच्या राज्यपाल तमिलसाई सुंदराराजन, बिहारचे राज्यपाल राजेंद्र आर्लेकर आणि गोव्याचे राज्यपाल पी. एस. श्रीधरन पिल्लई यावेळी प्रमुख उपस्थित होते.

पंतप्रधान नरेंद्र मोदी यांच्या 71 व्या वाढदिवसानिमित्त रोजी गोव्याच्या राजभवन कॅम्पसमध्ये 71 आयुरजॅक जातीच्या फणसाच्या रोपांची लागवड करून जॅकफ्रूट बाग सुरू करण्यात आली होती.

या बागेतील झाडांना लागवडीच्या तारखेपासून 20 महिन्यांनी फळे येण्यास सुरुवात झाली आहे आणि ते काढणीसाठी तयार आहेत. परिसरात उपलब्ध असलेले विविध प्रकारचे जॅकफ्रूट्स कार्यक्रमस्थळी प्रदर्शित केले गेले होते. यावेळी गोव्यातील विविध मान्यवरदेखील उपस्थित होते.

फणसाला दैनंदिन जीवनात मोठे महत्व आहे. दक्षिण भारतातील अनेक घरांच्या पारंपरिक मेन्यूचा फणस हा अविभाज्य भाग आहे. अनेक गोमंतकीयांकडून जॅकफ्रुटची लागवड केली जात आहे.