पोस्टातील खात्यामध्ये ग्राहकांचे पैसे जमा न करता ते हडप केल्याची प्रकार समोर आला आहे. हा प्रकार केपे येथे घडला आहे. याप्रकरणी शेल्डेच्या पोस्टमास्टरांविरुध्द गुन्हा नोंद करण्यात आला आहे. ही हडप केलेली रक्कम सुमारे 3 लाख एवढी आहे. याबाबतची तक्रार फोंडा उपविभाग पोस्ट खात्याच्या पोस्ट निरीक्षकांनी केपे पोलिसांत दाखल केली आहे.
केपे पोलिसांनी दिलेल्या माहितीनुसार, फोंडा उपविभाग पोस्ट खात्याचे पोस्ट निरीक्षक धीरज चव्हाण यांनी शेल्डे विभागाचे पोस्ट मास्टर साहिल नाईक यांनी २९ जुलै ते ७ सप्टेंबर 2022 या कार्यकाळात ग्राहकांनी जमा करण्यासाठी दिलेले 2 लाख 90 हजार 660 रुपये खात्यात जमा न करता ते परस्पर हडप केल्याची तक्रार दाखल केली आहे. चव्हाण यांनी साहिल यांच्याकडून सदर रक्कम व्याज तसेच दंडात्मक व्याजासकट वसूल करून ते सरकारी तिजोरीत जमा केल्याचे सांगण्यात आले आहे. याप्रकरणी केपे पोलिसांनी शेल्डेचे पोस्टमास्तर साहिल नाईक यांच्याविरुद्ध गुन्हा नोंद केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
