पणजी: विधानसभा निवडणुकीपूर्वी सार्वजनिक बांधकाम खात्यातील विविध पदांसाठी करण्यात आलेल्या भरती प्रक्रियेतील भ्रष्टाचाराच्या आरोपांमुळे चौकशीनंतर डिसेंबर 21 मध्ये स्थगित करण्यात आलेल्या जवळपास 300 जागा रद्द केल्या जाण्याची शक्यता आहे. नवनियुक्त सार्वजनिक बांधकाम मंत्री नीलेश काब्राल यांनी आज पूर्वीची भरती रद्द करून पुन्हा प्रक्रिया सुरू करण्याचे संकेत दिले आहेत. (Goa PWD Recruitment canceled News)
हा घोटाळा आहे की नाही हे चौकशीनंतर कळेल. जर तुम्ही मला वैयक्तिकरित्या विचाराल तर, जर हा घोटाळा असेल तर, प्रथम फक्त तो रद्द करू आणि पुन्हा प्रक्रिया सुरू केली जाईल. जे पात्र आहेत त्यांना कोणतीही अडचण नसावी आणि ते पुन्हा अर्ज करू शकतात आणि पात्र होऊ शकतात, असे काब्राल यांनी ठामपणे सांगितले. डिसेंबर 21 मध्ये मुख्यमंत्री प्रमोद सावंत यांनी कथित भ्रष्टाचाराच्या आरोपानंतर या खात्यातील कनिष्ठ अभियंता तसेच तांत्रिक सहाय्यकांच्या विविध स्तरांवरील सुमारे 300 जागांची भरती स्थगित केली होती व या प्रकरणाच्या चौकशीसाठी तीन सदस्यीय समिती देखील स्थापन केली होती. अजून या समितीने चौकशी अहवाल दिलेला नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
