Goa Minister Fined Twice: गोव्याचे सार्वजनिक बांधकाम मंत्री निलेश काब्राल यांना भरधाव वेगाने गाडी चालविल्याबद्दल चक्क दोन वेळा दंड करण्यात आला आहे. सीसीटीव्हीद्वारे ऑटोमेटिक चलन यंत्रणेतून मंत्री काब्राल यांना दोन वेळा असा दंड करण्यात आला आहे.
याबाबत बोलताना काब्राल म्हणाले की, मला भरधाव गाडी चालवल्याबद्दल दोन चलन मिळाली आहे. मी वेगमर्यादेचे उल्लंघन केले आहे. त्यामुळे मला दंड भरावा लागणार आहे. जेव्हा तुम्हाला चांगले रस्ते मिळतात तेव्हा तुम्ही वेगाने जात असता. 100 किलोमीटर प्रतीतास वेग असलेल्या रस्त्यावर मी वेगमर्यादेचे उल्लंघन केले. मी तेव्हा 103 किलोमीटर प्रतीतास वेगाने गाडी चालवत होतो.
रस्ते वाहतुकीली शिस्त लागण्यासाठी सीसीटीव्ही गरजेचे आहे. हे कामाचे आऊटसोर्सिंग केले जाईल, कारण त्याची देखभाल दुरूस्ती चांगली ठेवली जाते. किमान महामार्गावर तरी कॅमेरे लावले पाहिजेत. त्यासाठी ऑटोमेटिक चलन आऊटसोर्स करण्याबाबत माहिती तंत्रज्ञान मंत्री आणि मुख्यमंत्र्यांशी बोलणार आहे. अपघातात घट होणे हे चांगलेच आहे. जनतेच्या मदतीनेच उपाययोजना यशस्वी होतील. दुचाकीस्वारांनीही गाडी चालवताना काळजी घ्यावी.
रस्त्यातील खड्ड्यांबाबत बोलताना ते म्हणाले की, रस्त्यातील खड्ड्यांसाठी अॅप लाँच केले आहे. हे अॅप पुढील महिन्यापासून लोकांना वापरण्यासाठी खुले केले जाईल. या अॅपवर जशी माहिती मिळेल तसे अधिकारी त्यावर कार्यवाही करत आहेत. खड्डे भरले जात आहेत, रस्ते दुरूस्ती केली जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.