Porvorim Flyover: पर्वरी उड्डाण पूलाचं काम सुरुच राहणार, काम थांबण्याबाबत कोणतीही सूचना नाही; अधिकाऱ्याचा खुलासा

Porvorim Elevated Corridor: पूलाचे काम थांबविण्याबाबत मंत्र्यांकडून कोणतीही सूचना मिळाली नसल्याचा खुलासा सार्वजनिक बांधकाम खात्याचे कार्यकारी अभियंता जुड कार्व्हालो यांनी केला आहे.
Porvorim Flyover: पर्वरी उड्डाण पूलाचं काम सुरुच राहणार, काम थांबण्याबाबत कोणतीही सूचना नाही; अधिकाऱ्याचा खुलासा
Porvorim Elevated Corridor Dainik Gomantak

पणजी ते म्हापसा महामार्गावरील वाहतुकीचा ताण कमी करण्यासाठी सांगोल्डा जंक्शन ते पर्वरीदरम्यान साडेपाच किलोमीटर लांबीचा उड्डाण पूल (एलिव्हेटेड कॉरिडॉर) उभारला जाणार आहे.

काही दिवसांपूर्वी या पूलाच्या बांधकामासंदर्भात पर्यटनमंत्री रोहन खंवटे यांनी कंत्राटदार आणि प्रशासकीय अधिकाऱ्यांसोबत पाहणी करुन समान्य नागरिकांना त्रास होणार नाही याची खातरजमा केल्यानंतर काम करण्याचा सल्ला त्यांनी दिला.

मंत्री खंवटे यांनी यावेळी कंत्राटदार आणि प्रशासकीय विभागांमध्ये समन्वयाचा अभाव असल्याचे म्हटले होते. उड्डाण पूलाच्या आराखड्याचे सादरीकरण केल्यानंतर बांधकामाला सुरवात करावी, अशी सूचना त्यांनी कंत्राटदाराला केली होती.

वाहतूक व्यवस्थापन इतर बाबींचा विचार न करताच, कंत्राटदाराने पुलाचे काम सुरु केल्याने स्थानिकांमध्ये रोष असल्याचे खंवटे यांनी नमूद केले होते.

दरम्यान, पूलाचे काम थांबविण्याबाबत मंत्र्यांकडून कोणतीही सूचना मिळाली नसल्याचा खुलासा, सार्वजनिक बांधकाम खात्याचे कार्यकारी अभियंता जुड कार्व्हालो यांनी केला आहे.

कामाबाबत काही तांत्रिक आव्हाने आहेत, परंतु काम सुरु आहे. कंत्राटदारांकडे पूलाचा संपूर्ण प्लॅन आहे आणि लवकरच प्रत्यक्षात काम सुरु होईल अशी अपेक्षा आहे, असेही कार्व्हालो म्हणाले.

Porvorim Flyover: पर्वरी उड्डाण पूलाचं काम सुरुच राहणार, काम थांबण्याबाबत कोणतीही सूचना नाही; अधिकाऱ्याचा खुलासा
PNG Jewellers Porvorim: पर्वरीत पीएनजी ज्‍वेलर्सच्‍या ‘लाईट-स्टाईल’ दालनाचे उद्‌घाटन; ग्राहकांसाठी सुवर्णसंधी

पर्वरीमध्ये सुरु असलेल्या उड्डाण पूलाचे काम कोणत्याही व्यत्ययाशिवाय सुरु राहणार असल्याचे कार्व्हालो यांनी सांगितले. कंत्राटदारांनी काही आठवड्यांपूर्वी वाहतूक विभागाकडे वाहतूक नियोजनाबाबत प्रस्ताव दिला असून, त्यांच्याकडून अद्याप मंजुरी मिळालेली नाही.

पर्यटन मंत्री रोहन खवंटे (Rohan Khaunte) यांनी काही दिवसांपूर्वी पर्वरी उड्डाण पुलाबाबत कंत्राटदार, सार्वजनिक बांधकाम खात्याचे अधिकारी आणि इतर संबधित अधिकाऱ्यांसोबत बैठक घेतली. खवंटे यांनी यावेळी वाहतूक नियोजनाबाबत चिंता व्यक्त केली. सामान्य नागरिकांना त्रास होणार नाही असे नियोजन करण्याबाबत त्यांनी सूचना केली होती.

सांगोल्डा जंक्शन ते हॉटेल निओ मॅजेस्टिकपर्यंतच्या साडेपाच किमी लांबीच्या सहापदरी उड्डाण पुलाचे काम एप्रिलच्या मध्यात सुरु झाले. येत्या 24 महिन्यांत एप्रिल 2026 पर्यंत पर्वरी उड्डाण पूल पूर्ण होणे अपेक्षित आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com