फातोर्डा : बेंगळुरु (Bangalore)येथील गोपालन राष्ट्रीय स्कुलतर्फे(Gopalan National School) घेण्यात आलेल्या मठग्रामस्थ हिंदु सभा (Math Gramastha Hindu Sabha) संचालित दामोदर विज्ञान उच्चमाध्यमिक येथील १२ वीत शिकणाऱ्या युगाने अखिल भारत आंतरशालेय ऑनलाईन भारतीय शास्त्रीय गायन (International Indian classical singing) स्पर्धेत प्रथम क्रमांक पटकवून अभिमानास्पद कामगिरी करून शाळेच्या प्रतिष्ठेत आणखीन मोठी भर टाकली.
तसेच माजी विद्यार्थी श्रुता संदेश पै यांना आयआयटी हैद्राबाद अकादमीक एक्सलन्स 2021 पुरस्कार देऊन गौरव केला. कलांगण संस्थेत गुरु रामराव नायक यांच्याकडुन युगा शास्त्रीय संगीताचे धडे घेते. अखिल भारतीय शास्त्रीय संगीत स्पर्धेत देशभरातील 1000 पेक्षा जास्त स्पर्धक सहभागी झाले होते. यापैकी 634 स्पर्धकांची पहिल्या फेरीसाठी निवड होती त्यापैकी टॉप १० मध्ये युगाची निवड झाली.
श्रुता पै ही 2013 ते 2015 या कालावधीत श्री दामोदर विज्ञान उच्च माध्यमिकची विद्यार्थिनी होती.बायो टॅकनोलोजी मध्ये मास्टर्स पदवी अभ्यासक्रमात तिची सर्वो्त्तम कामगिरी झाली. 2019 मध्ये बीएमएस अभियांत्रिकी महाविद्यालातुन बी ई पदवी प्राप्त केल्यावर गेट-बीटी पात्रता परिक्षेत भारतात 75वा क्रमांक पटकावला. आयआयटी हैद्राबादमधुन तीने वैद्यकीय बायोटॅकनोलोजीमध्ये एम टेक पदवी प्राप्त केली आहे.
मठग्रामस्थ हिंदू सभेतर्फे यांचा गौरव करण्यात आला तसेच संस्थेचे अध्यक्ष पांडुरंग उर्फ भाई नायक तसेच प्राचार्य राजीव देसाई व व्यवस्थापनातर्फे या दोघांचे अभिनंदन केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
