फातोर्डा: नवी दिल्ली (New Delhi) येथील संगीत नाटक अकादमीने पश्र्चिम विभागीय युवा संगीतकार व गायकांसाठी संगीत प्रतिभा हा वर्चुअल महोत्सव आयोजित केला होता. या कार्यक्रमात गायन सादर करण्यासाठी गोव्याची प्रतिभाशाली शास्त्रीय गायिका मुग्धा गावकर (Mugdha Gavkar) हिची निवड करण्यात आली. मुग्धाने या कार्यक्रमात राग गोरख कल्याण हा राग प्रस्तुत केला. या कार्यक्रमाचे थेट प्रक्षेपण यु-ट्युबवरुन संबंध देशामध्ये करण्यात आले होते. या कार्यक्रमात मुग्धाला हार्मोनियमवर अनय घाटे, तबल्यावर संकेत खलप व तानपुऱ्यावर प्रथा गावकर व मेघा गोबरे (Megha Gobare) यांनी साथ संगत केली.
हा कार्यक्रम महोत्सवाच्या तिसऱ्या दिवशी म्हणजे 18 जुलै रोजी संध्याकाळी 6.15 वाजता सुरु झाला व जवळ जवळ तीन तास चालला. मुग्धा गावकरने शिवाजी विद्यापिठामध्ये गायकीमध्ये मास्टर्स पदवी सुवर्ण पदकासह प्राप्त केले असुन तीने संगीत विशारद ही पदवीही प्राप्त केली आहे. 2014 साली तिला युवा गौरव पुरस्काराने सन्मानित करण्यात आले आहे. संगीत प्रतिभा महोत्सवात त्या दिवशी हृषिकेश मजुमदारने बासरी वादन, जुई घायगुडे पांडेने गायन, अभिषेक बोरकरने सरोदवादन व हृषिकेश सुरवरोने तबला वादन सादर केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
