Dual Citizenship: दुहेरी नागरिकत्वाचा मुद्दा! CM आणि मंत्री सिक्वेरांनी घेतली परराष्ट्र व्यवहार मंत्र्यांची भेट

Portuguese Passport: काही दिवसांपासून राज्यात पोर्तुगीज पासपोर्टचा मुद्दा चर्चेत असून सत्ताधारी आणि विरोधी पक्षाकडून याबाबत उलटसुलट चर्चा होताना दिसतेय.

याच मुद्द्यावरून भारताच्या परराष्ट्र व्यवहार राज्यमंत्री मीनाक्षी लेखी यांची मुख्यमंत्री प्रमोद सावंत आणि मंत्री आलेक्स सिक्वेरांनी दिल्लीत भेट घेतलायची माहिती समोर येतेय.

सध्या राज्यात भारतीय पासपोर्ट सरेंडर करण्याची प्रकारणे वाढत असून पोर्तुगीज पासपोर्ट संबंधी तातडीनं लक्ष घालून ही समस्या मिटवावी असे आवाहन केल्याचे समजतेय.

''गोमतकीयांकडून भारतीय पासपोर्ट सरेंडर करण्याच्या वाढत्या आकडेवारीकडे गोव्यातील भाजप सरकारने पूर्णपणे डोळेझाक केल्याचे चित्र धक्कादायक आहे.

डॉ.प्रमोद सावंत यांच्या नेतृत्वाखालील भाजप सरकारने या समस्येकडे जाणीवपूर्वक दुर्लक्ष केले'', असल्याचा गंभीर आरोप केपेचे आमदार एल्टन डिकोस्ता यांनी काही दिवसांपूर्वी केला होता.

तर गोव्‍यात जो 80 टक्‍के विकास झाला आहे, तो गोव्‍यातील लोक पोर्तुगीज पासपोर्ट घेऊन युरोपात काम करू लागल्‍यानेच, असे वादग्रस्त वक्तव्य माजी मंत्री तथा माजी खासदार चर्चिल आलेमाव यांनी केले होते.