पणजी: कॉंग्रेसचे (Congress) वरिष्ठ नेते व माजी केंद्रीय गृहमंत्री पी. चिदंबरम (P. Chidambaram) 25 रोजी दोन दिवसांच्या गोवा (Goa) भेटीवर येत असून कॉंग्रेसच्या गोव्यातील विविध पक्षांसोबतच्या संभाव्य युतीबाबत चिदंबरम भाष्य करण्याची शक्यता असल्याने त्यांच्या या भेटीला महत्त्व प्राप्त झाले आहे. गोव्याचे निवडणूक निरीक्षक म्हणून चिदंबरम यांची हल्लीच नियुक्ती झालेली असून या नियुक्तीनंतर त्यांचा हा पहिलाच गोवा दौरा असेल. त्यापूर्वी गोवा कॉंग्रेसचे प्रभारी दिनेश गुंडू राव हे उद्या 23 रोजी गोव्यात दाखल होणार आहेत.
विधानसभा निवडणुकीला अवघे सहा महिने बाकी राहिलेले आहेत. भाजपचे प्रदेशाध्यक्ष सदानंद शेट तानावडे व मुख्यमंत्री प्रमोद सावंत हे विविध मतदारंसघाचे दौरे करत आहेत, तर कॉंग्रेस पक्षाने सध्या विविध मतदारसंघातील नेत्यांना प्रवेश देण्याचा सपाटा लावला आहे.
दरम्यान, उद्या गुंडू राव हे गोव्यात दाखल झाल्यानंतर ते राज्यभरातील पक्षाच्या कार्याचा आढावा घेतील. त्यानंतर चिदंबरम गोव्यात दाखल झाल्यानंतर कॉंग्रेसच्या विविध समित्यांची व आमदारांची बैठक घेऊन ते राज्यातील पक्षाच्या एकूण कामाचा आढावा घेतील. तसेच गोवा फॉरवर्ड व राष्ट्रवादी कॉंग्रेस पक्षांसोबतच्या संभाव्य युतीबाबतही ते भाष्य करण्याची शक्यता आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
