Goa Police: कळंगुट येथे दोघा मोबाईल चोरट्यांना अटक; दीड लाख रूपये किंमतीचे 8 मोबाईल फोन जप्त

आरोपी मूळचे पश्चिम बंगालचे
Goa Police:
Goa Police:Dainik Gomantak

Goa Police: कळंगुट येथे मोबाईल फोन चोरीप्रकरणी पोलिसांनी दोघांना अटक केली आहे. या दोघांकडून एकूण आठ मोबाईल फोन हस्तगत केले आहेत. हे दोघेही मूळचे पश्चिम बंगालचे आहेत.

बिपिन कुमार नारायण तांती (वय 32 वर्षे) यांनी याबाबत तक्रार केली. ते मादेळ, थिवी येथे कामगार आहेत. तर ते मूळचे दुलारपूर, तेघर बेगुसराय बिहार येथील आहेत.

Goa Police:
Goa Accident: सायकलवरून घरी चाललेल्या 10 वर्षांच्या मुलाला 'स्विगी'च्या डिलीव्हरी बॉयने दिली धडक

शनिवारी सायंकाळी पाच वाजता कळंगुट बीचवर अज्ञातांनी दोन फोन चोरल्याची तक्रार त्यांनी दाखल केली होती. यातील एक फोन इन्फिनिट हॉट इलेव्हन हा होता तर दुसरा फोन सॅमसंगचा होता. दोन्ही मोबाईल फोनची एकत्रित किंमत 18,000 रूपये इतकी होते.

दरम्यान, पोलिसांच्या तपासात रकिब आलियाजम मुल्ला (वय 24) आणि रसिब अलियाजम मुल्ला (वय 22) यांना पोलिसांनी ताब्यात घेतले आहे. हे दोघेही सध्या गोव्यातील पर्रा येथे वास्तव्यास आहेत. ते मूळचे संदारपूर दक्षिण दिनाजपूर, पश्चिम बंगाल येथील आहेत.

त्यांच्याकडून पोलिसांनी एकूण 08 मोबाईल फोन्स हस्तगत केले आहेत. त्याची किंमत 1.5 रूपये इतकी आहे. पर्वरी एसडीपीओ आणि कळंगुट पोलिस स्टेशनचे पोलिस निरीक्षक यांच्या देखरेखीखाली या दोघा आरोपींकडे अधिक तपास केला जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com