Goa Traffic Rules: गोवा वाहतूक पोलिसांनी दिले विद्यार्थ्यांना वाहतूक नियमांचे धडे

पणजी: गोवा पोलिस वाहतूक कक्षाने रस्ता सुरक्षा आणि वाहतूक नियमांवरील व्याख्यानासाठी आज शासकीय पॉलिटेक्निक कॉलेजला भेट दिली; दरम्यान बहुतेक विद्यार्थी हेल्मेट घालत नाहीत असे आढळून आले; विद्यार्थ्यांनी हेल्मेट न घातल्यास कॅम्पसमध्ये प्रवेश दिला जाणार नाही असा सल्ला प्रत्येक कर्मचार्‍यांना देण्याची विनंती यावेळी करण्यात आली आहे.

(Goa Traffic Rules)

दरम्यान, राज्यात अपघातांच्या संख्येत वाढ झाली असुन, नुकत्याच झालेल्या एका अपघातात जीवीत हानी झाली नसली तरी दयानंद बांदोडकर मार्गावरील वाहतूक समस्येकडे वेळीच लक्ष न दिल्यास मोठा अपघाताची शक्यता असल्याचे नागरिकांनी सांगितले. त्यामूळे पोलिस प्रशासनाने तातडीने वाहन चालकांना समज देणे गरजेचे असून पुन्हा असा अपघात होणार नाही यासाठी बेशिस्त वाहनचालकांवर दंडात्मक कारवाई करणे गरजेचे असल्याचं नागरिकांनी म्हटले आहे.

कसिनोदरम्यान थांबणाऱ्या वाहनांना शिस्त लावण्याची गरज

त्याबरोबर कसिनो असणाऱ्या परिसरात प्रामुख्याने कसिनोसाठी येणारे पर्यटक आणि कसिनोच्या मालकीची चारचाकी वाहने मध्यरस्त्यावरच अचानक थांबतात आणि यामूळे मागील वाहने एकमेकांवर आदळण्याची शक्यता वाढते. यावेळी शिस्त पाळली असती तर आज हा अपघात झाला नसता असे एका प्रत्यक्षदर्शीने सांगितले.

कसिनोसाठी येणारी वाहने अर्ध्या रस्त्यावर थांबवली जातात

मिळालेल्या माहितीनुसार पोलिस यंत्रणा सायंकाळनंतर काहीशी कमी होते. याचा फायदा घेत कसिनोसाठी येणारी वाहने अर्ध्या रस्त्यावर थांबवली जाऊन आरामात यातून ग्राहकांना उतरले जाते. यामूळे रस्त्यावरील वाहतूकीला खिळ बसते आणि जेव्हा कसिनो ग्राहक आरामात उतरेल तेव्हा अशी वाहने मार्गस्थ होतात. तसेच काही वाहने अर्ध्या रस्त्यावर लावली जातात. यामूळे वाहतूकीसाठी अडथळा निर्माण होत असल्याचं घटनास्थळी एका नागरिकाने सांगितले.