Goa Police: आता रात्रीच्यावेळी पोलिस गस्त सुरु! चोऱ्यांच्या पार्श्वभूमीवर निर्णय

म्हापसा: मांद्रे येथील हनुमान मंदिर आणि केरी येथील आजोबा देवस्थानात चोरी झाल्याच्या पार्श्वभूमीवर धार्मिक स्थळांनी प्रशासकीय पदाधिकाऱ्यांनी सीसीटीव्ही कॅमेरे बसवावे, असे पोलिस अधीक्षक अक्षत कौशल यांनी आवाहन केले आहे. पोलिसांकडून प्रत्येक स्थानकात वेगळी नोंदवही ठेवून मंदिरांच्या रात्रीच्या वेळी गस्तीची माहिती ठेवली जात आहे.

पोलिस प्रशासनाने देवस्थान कमिटीच्या पदाधिकाऱ्यांसोबत बैठक घेत, आपापल्या मंदिर आवारात सीसीटीव्ही कॅमेरे बसविण्याचे आवाहन केले होते. कारण सीसीटीव्ही फुटेजमुळे चोरीला आळा बसवण्यास मदत होते.