पणजी: पोलिसांच्या अमलीपदार्थ विरोधी विभागाकडून किनारी भागात अमलीपदार्थविरोधी तपासणी अधिक तीव्र करण्यात आली आहे. आता अचानक आणि अनियमित तपासण्या सुरू केल्या आहेत, अशी माहिती विभागाचे प्रमुख अधीक्षक टिकमसिंह वर्मा यांनी दिली आहे.
राज्यातील अमलीपदार्थांचा प्रसार रोखण्यासाठी सतत प्रयत्न करणारा अमली पदार्थविरोधी विभाग आता केवळ नियमित छापासत्र राबवून मोठ्या प्रमाणात अमली पदार्थ जप्त करत नाही. आता किनारी भागातील आस्थापनांमध्ये तसेच प्रमुख वाहतूक केंद्रांवर (रेल्वे स्थानक, बस स्थानक इत्यादी) अचानक आणि अनियमित तपासण्या करत आहे.
यामध्ये आंतरराज्य बस आणि गाड्यांवर विशेष लक्ष केंद्रित करण्यात आले आहे; कारण याच मार्गांचा वापर करून मोठ्या प्रमाणात अमलीपदार्थ राज्यात आणले जातात, असे त्यांनी स्पष्ट केले आहे.
या तपासण्यांमध्ये पोलिसांच्या अमलीपदार्थ शोधक कुत्र्यांसह तपासणी केली जात आहे. याशिवाय, आता केवळ अमली पदार्थ विक्रेते आणि पुरवठादारांवरच नव्हे, तर संशयित ग्राहकांवरही कडक नजर ठेवली जात आहे. या अनियमित तपासण्या अशाच प्रकारे सुरू राहतील, असेही वर्मा यांनी म्हटले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
