Goa Crime News: हैदराबाद येथून गोव्यात ड्रग्स घेऊन आलेल्या संशयित यशवंत रेड्डी याला क्राईम ब्रँचच्या पोलिस पथकाने गेल्या आठवड्यात अटक केली होती. त्यामुळे ड्रग्स फक्त गोव्यातून हैदराबादला येत असल्याचा तेथील पोलिसांनी केलेला दावा गोवा पोलिसांनी फोल ठरविला आहे.
दरम्यान, संशयिताने हैदराबाद येथून कोठून ड्रग्स आणले होते, याचा शोध घेण्यासाठी क्राईम ब्रँचचे पथक रवाना झाले आहे. हैदराबाद पोलिसांनी दोन महिन्यांपूर्वी गोव्यातील काही ड्रग्‍सविक्रेत्यांना गोव्यात येऊन गजाआड केले होते व हैदराबादला येत असलेले ड्रग्स गोव्यातून पाठवले जात असल्याचा दावा केला होता.
तसेच, त्याला गोवा पोलिसांनी (Goa Police) रोखठोक उत्तर दिल्यानंतर हे आरोप-प्रत्यारोप बंद झाले होते. आता गोवा पोलिसांनीही हैदराबादहून गोव्यात येणाऱ्या पर्यंटकांची झडती घेण्यास सुरुवात केल्यावर तेथील दोन तरुणांना संशयावरून ताब्यात घेतले.
गोवा-हैदराबाद पोलिसांकडून धरपकड
हैदराबाद पोलिसांनी कळंगुट (Calungute) येथील प्रीतेश बोरकर याला ताब्यात घेऊनही त्याच्या अटकेची माहिती न दिल्याने गोवा व हैदराबाद पोलिस यांच्यातील वाद विकोपाला गेला होता. त्यानंतर या दोन्ही पोलिसांनी एकमेकांच्या राज्यातील ड्रग्स दलालांची धरपकड सुरू केली होती.
हैदराबाद (Hyderabad) पोलिसांनी हिलटॉपचा मालक स्टीव्ह डिसोझा याला अटक केल्यानंतर कर्लिसचा चालक एडविन नुनीस यालाही अटक करण्यासाठी केलेले प्रयत्न अजूनही सफल झालेले नाहीत. उच्च न्यायालयाने अटकपूर्व जामीन फेटाळल्यानंतरही त्याला अटक करण्यात पोलिसांना यश आलेले नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
