Goa Police: नझीम अस्लमविरोधात फोंडा, वाळपईत गुन्हा; हिंदु धर्माविरोधात सोशल मीडियात केली होती आक्षेपार्ह पोस्ट

Goa Police: हिंदू धर्माविरोधात सोशल मीडियात आक्षेपार्ह पोस्ट करणाऱ्या नझीम अस्लमविरोधात फोंडा आणि वाळपई पोलिसांत गुन्हा दाखल करण्यात आला आहे. हिंदू धर्मियांच्या भावना दुखावल्याचा आरोप त्याच्यावर ठेवण्यात आला आहे.

दरम्यान, भडकाऊ वक्तव्ये करणारे, सोशल मीडियात भडकाऊ पोस्ट करणाऱ्यांना ताब्यात घेतले आहे, अशी माहिती पोलिसांनी दिली. क्राईम ब्रँच पोलिसांनी ही कारवाई केली आहे. काही दिवसांपुर्वी गोव्यात मुस्लीम समुदायाने ठिकठिकाणी आंदोलन केले होते.

सोशल मीडियातील वादग्रस्त पोस्ट त्याला कारणीभूत ठरली होती. त्यातील मुख्य संशयिताला पकडले आहे, अशी माहिती क्राईम ब्रँचने दिली आहे. तसेच मडगाव, फोंडा येथे याबाबत एफआयआर दाखल झाल्या आहेत, अशी माहितीही देण्यात आली.

ताब्यात घेतल्यांकडे चौकशी सुरू आहे. त्यांनी सोशल मीडियातून काय पोस्ट केले होते, त्याविषयी माहिती दिली आहे. किती लोक यात गुंतले होते याची अद्याप माहिती कळलेले नाही. चौकशीअंती सत्य समोर येईल.

सध्या ज्यांनी कुणी हे केले आहे, त्यांची ओळख पटली आहे, हे महत्वाचे आहे, असे पोलिसांनी सांगितले.