Goa Paragliding: पायलट हवेत कसरती करतात, त्याच अंगलट येतात; केरीतील दुर्घटनेनंतर व्यावसायिकाचा दावा

Goa paragliding safety: पृथ्वी यांनी सांगितले की, गोव्यात पॅराग्लायडिंग करणारे पायलट हवेत कसरती (ॲक्रोबॅटिक्स) करतात. त्यात विंग ओव्हर होण्याचा प्रकार घडल्यास दोर तुटण्याची जास्त शक्यता असते.
Risks of acrobatics in paragliding
Safe paragliding experiences in GoaDainik Gomantak
Published on
Updated on

पणजी: गोव्यातील पॅराग्लायडिंग करणारे पायलट हवेतील कसरती (ॲक्रोबॅटिक्स) करण्यावर भर देतात, त्यामुळे दोर तुटण्याचे किंवा ग्लायडर फाटण्याचे प्रकार घडतात. देशात हिमाचल प्रदेशमधील कांगडा जिल्ह्यातील बीर बिलिंग येथे पॅराग्लायडिंग मोठ्या प्रमाणात केले जाते, तेथे ॲक्रोबॅटिक्स करण्यावर पूर्णपणे बंदी आहे, त्याचप्रमाणे नेपाळमध्येही यावर प्रकारावर बंदी आहे. मात्र, गोव्यात हा प्रकार सर्रासपणे केला जातो आणि त्यात पर्यटकांच्या जिवाशी खेळ होतो, असे कर्नाटकात पॅराग्लायडिंग व्यवसाय करणारा युवक पृथ्वी एच.पी. यांनी ‘गोमन्तक''शी बोलताना सांगितले.

पोलिस खात्याच्या त्रासाला कंटाळून गोव्यातील पॅराग्लायडिंगचा व्यवसाय गुंडाळून कर्नाटकात परतलेल्या पृथ्वी यांनी सांगितले की, गोव्यात पॅराग्लायडिंग करणारे पायलट हवेत कसरती (ॲक्रोबॅटिक्स) करतात. त्यात विंग ओव्हर होण्याचा प्रकार घडल्यास दोर तुटण्याची जास्त शक्यता असते. कारण दोन व्यक्ती आणि इतर साहित्याचे वजन साधारण १८० किलोपर्यंत जाते आणि त्याचा भार दोरीवर पडतो.

त्यामुळे ॲक्रोबॅटिक्स देशात कुठेही केले जात नाही, फक्त गोव्यात केले जाते. देशात सर्वात जास्त हिमाचल प्रदेशमध्ये पॅराग्लायडिंग व्यवसाय चालतो. याठिकाणी पॅराग्लायडिंग व्यवसाय करणाऱ्यांना ॲक्रोबॅटिक्स करण्यास बंदी असते. त्यावर पर्यटन खात्याची पूर्ण नजर असते, ॲक्रोबॅटिक्स करताना एखादा पायलट सापडला तर तत्काळ त्या व्यावसायिकाचा किंवा कंपनीचा परवाना रद्द केला जातो, असाच प्रकार नेपाळ देशातही आहे.

Risks of acrobatics in paragliding
Paragliding : जर्मनच्या पर्यटकावर थेट पॅराग्लायडर कोसळला अन् त्याने गमावली हाताची पाचही बोटे

खरेतर पॅराग्लायडिंग करताना पर्यटकाला घेऊन अलगदपणे जमिनीवर उतरवणे पायलटचे कर्तव्य असते. पण गोव्यात तसे घडत नाही, पायलट हवेत कसरती करतात आणि त्याच अगंलट येतात असे सांगत पृथ्वी म्हणाले, पर्यटन खात्याकडून पॅराग्लायडिंग व्यावसायिकाला एका वर्षाचा परवाना मिळतो, त्या परवान्यावत किती ग्लायडर आहेत, हे नमूद करावे लागते. जेवढे ग्लायडर असतात, त्यानुसार परवाना शुल्क आकारले जाते.

Risks of acrobatics in paragliding
Goa Paragliding: पॅराग्लायडिंग दुर्घटनेनंतर एका व्यक्तीवर गुन्हा दाखल; दुर्दैवी प्रकार टळला असता? पंचायतीच्या याचिकेकडे दुर्लक्ष

परवान्याची मुदत?

आता संबंधित व्यावसायिकाचा परवान्याची मुदत संपली होती का? त्याने किती ग्लायडरचा परवाना घेतला होता? या प्रश्नांची उत्तरे चौकशीअंती पुढे येतील. परंतु आपण मृत्यू पडलेल्या पायलटला गोव्यात असताना पाहिले आहे, तो अत्यंत निष्णात होता. परंतु तो वापरत असलेला ग्लायडर व त्याचे साहित्याची क्षमता तपासली गेली होती का? हा एक प्रश्न आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com