Panjim Smart City: पणजी कदंब ट्रान्सपोर्ट कॉर्पोरेशन लिमिटेड केटीसीएलच्या मालकीच्या मोठ्या आणि मिनी बसेससह इलेक्ट्रिकल बस, बिगर मोटार चालवलेल्या रस्त्यांवरील इलेक्ट्रिकल बग्गी इत्यादींसह 60 नवीन बसेसचा ताफा पणजी आणि आजूबाजूच्या परिसरात धावणाऱ्या खासगी बसेसच्या जागी स्मार्ट सिटी प्रकल्पाखाली धावणार सल्ल्याची माहिती सरकारकडून जारी केली आहे.
यावर आता खाजगी बसचालक संघटनेने आता या सर्व प्रक्रियेवर आक्षेप घेतला आहे.
स्मार्ट सिटी च्या नावाखाली खाजगी बसमालकांचा व्यवसाय बंद करण्याचा प्रयत्न करीत असल्याचा आरोप खाजगी बसचालक संघटनेचे अध्यक्ष सुदिप ताम्हणकर यांनी केला आहे.
मुख्यमंत्र्यांनी दिलेले बसमालकांना आश्वासन विसरून कुणालाच विश्वासात न घेता विद्युत बसेस पणजी सुरू करण्याचा आदेश जारी केला असल्याचे सुदिप ताम्हणकर यांनी पत्रकार परिषदेत सांगितले
स्मार्ट सिटी प्रकल्पाअंतर्गत पणजी बस स्टँड ते मिरामार, दोनापावला, करंझाळे, बांबोळी गोवा विद्यापीठ, कुजिरा, ताळगाव, सांतिनेज, सांताक्रुझ आणि अल्तिनो या मार्गांवर बसेस धावणार असल्याची माहिती मिळाली आहे.
या मार्गांवर कदंबने सुरू केलेल्या स्मार्ट बसेस मार्गानुसार कलर कोड केलेल्या असतील आणि त्या क्यूआर कोड तिकीट सारख्या सेवा देतील. प्रवाशांकडून १० रुपये आणि २० रुपये भाडे आकारण्याचा प्रस्ताव आहे, असे अधिसूचनेत नमूद केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.