Goa Crime News: खासगी कार्यालयातील सहकारी महिला कर्मचाऱ्याशी मैत्री करुन तिचे लैंगिक शोषण केल्याप्रकरणी पणजीच्या अतिरिक्त सत्र न्यायालयाने आरोपी आसिफ ख्वाजा ऊर्फ आसिफ खान याला 10 वर्षे कैद व 1 लाख 30 हजारांचा दंड ठोठावला.
आरोपीने पीडितेच्या घरात कोणी नसल्याचा फायदा घेऊन बळजबरी केल्याचे सिद्ध होत असल्याचे निरीक्षण न्यायाधीशांनी निवाड्यात मांडले आहे. बेती-पर्वरी येथे राहत असलेल्या आसिफ खान व पीडिता हे दोघेही पणजीत एकाच खासगी कंपनीत कामाला होते. तिथे त्यांचे प्रेम जुळले. काही महिन्यानंतर तो नोकरी सोडून गोव्याबाहेर गेला.
त्यानंतरही तो पीडितेला फोन करत होता. पुन्हा तो गोव्यात दुसऱ्या कंपनीत नोकरी पत्करून आला. त्याच काळात पीडितेचे कुटुंब तिच्या बहिणीच्या विवाहासाठी मुंबईत गेले होते. त्यावेळी घरी त्याने बळजबरी केल्याची तक्रार पीडितेने जुने गोवे पोलिसांत दाखल केली होती. या प्रकरणी सरकारतर्फे निता मराठे यांनी बाजू मांडली. तर आरोपीच्यावतीने साहिल सरदेसाई यांनी बाजू मांडली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
