पेडणे तालुक्यातील पार्से (Parcem), तिसवाडी तालुक्यातील सांत इस्तेव्ह (St. Estevam)आणि सासष्टी तालुक्यातील धर्मापूर (Dramapur) या राज्यातील तीन पंचायतींच्या प्रत्येकी एका प्रभागासाठी आज पोटनिवडणूकीच्या मतदानाची प्रक्रिया पार पडली. तर सोमवारी मतमोजणीची प्रक्रिया पार पडणार आहे.
या पोटनिवडणूकीच्या मतदानाची आकडेवारी समोर आली आहे. तीन प्रभागांमध्ये 72.50 टक्के मतदान झाले. या तिन्ही पंचायतीमध्ये एकूण 1691 मतदारांपैकी 1226 जणांनी मतदानाचा हक्क बजावला.
तीन्ही पंचायतींच्या पोटनिवडणुकीसाठी सकाळपासून मतदान सुरू होते. पाऊस असूनही मतदान केंद्रावर मतदारांच्या रांगा होत्या. 818 पुरुष मतदारांपैकी 573 पुरुष मतदारांनी तर 873 महिला मतदारांपैकी 653 महिला मतदारांनी मतदानाचा हक्क बजावला. एकूणच या आकडेवारीतून मतदानाचा हक्क बजावण्यात पुरुषांपेक्षा महिलांची संख्या जास्त असल्याचे दिसून आले.
सांत इस्तेव्ह (St. Estevam) पंचायतीच्या प्रभाग क्रमांक 5 मध्ये 71.31 टक्के मतदान झाले तर धर्मापूर (Dramapur) पंचायतीच्या प्रभाग क्रमांक 2 मध्ये 60.91 टक्के मतदान झाले. पार्से पंचायतीच्या प्रभाग क्रमांक 7 मध्ये 85.16 टक्के मतदान झाले. धर्मापूर पंचायतीत सर्वाधिक कमी तर पार्से पंचायतीत सर्वाधिक मतदान झाल्याचे आकडेवारीतून समोर येत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.