काल (10 ऑगस्ट) रोजी 186 पंचायतींसाठी निवडणूक प्रक्रिया पार पडली. मात्र यादरम्यान कळंगुटमधील वार्ड क्रमांक 9 चे मतदान आजवर ढकलण्यात आले. उमेदवारांची नावं आणि चिन्ह यात विसंगती आढळल्यानंतर हा निर्णय घेण्यात आला आहे.
मतदानासाठी केंद्रावर आलेल्या मतदारांचा मात्र यामुळे चांगलाच खोळंबा झाला. तांत्रिक घोळामुळे मतदारांना मतदान न करताच घरी परतावे लागले.
दुपारी 12 वाजेपर्यंत या प्रभागात 28 टक्के मतदान पार पडले आहे. एकंदरीत चित्र पाहता मतदानाला मतदारांचा अल्प प्रतिसाद मिळाला असल्याचे दिसून आले आहे. काल अचानक झालेल्या गफलतीमुळे मतदारांचा मोठ्या प्रमाणात गोंधळ उडाला होता.
मतदानासाठी सरकारतर्फे सार्वजनिक सुट्टी जाहीर करण्यात आली होती. मतदारांना मतदानासाठी आज पुन्हा सुट्टी घेणे भाग असल्याने वॉर्ड 9 मध्ये लोकांनी झालेल्या प्रकाराबद्दल नाराजी व्यक्त केली.
कळंगुट पंचायतीच्या वार्ड 9 मधून 6 उमेदवार रिंगणात असून 950 मतदार आपला मतदानाचा हक्क बजावणार आहेत. दुसरीकडे, पेडणे तालुक्यातील एकूण 17 ग्रामपंचायतींसाठी शांततेत मतदान पार पडले. सकाळपासून मतदानकेंद्रांवर मतदारांच्या रांगा दिसून येत होत्या. पावसाची पर्वा न करता मतदारांनी आपला मतदानाचा हक्क बजावला. पेडणे तालुक्यातील मोरजी, आगरवाडा, मांद्रे, पार्से, पालये, केरी, कोरगाव, हरमल, वझरी, तोरसे, तांबोसे, विर्नोडा, तुये, वारखंड, हणखणे, धारगळ, न्हयबाग-पोरसकडे या 17 ग्रामपंचायतींच्या निवडणुकांमध्ये उत्साह दिसून आला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
