वास्कोत महालक्ष्मी मंदीरातील देवीचे अलंकार चोरीला

Goa: वास्को येथील टी. बी. कुन्हा चौकाच्या बाजूस असलेल्या धर्मशाळा येथील मुरगाव हिंदू समाजाच्या (Mormugao Hindu Samaj) श्री महालक्ष्मी पूजनोत्सव देवीच्या (Devi Mahalaxmi) अंगावरील सोन्याचे अलंकार (Ornament stolen) चोरीला गेल्याची घटना घडली. अंदाजे तीन लाखांपेक्षा अधिक रकमेचे हे दागिने असावेत, अशी माहिती पूजनोत्सव समितीतर्फे देण्यात आली. वास्को पोलिस या चोरी प्रकरणी तपास करीत आहे.

वास्को येथील मुरगाव हिंदू समाजाच्या श्री महालक्ष्मी पूजनोत्सव समितीतर्फे उत्सवाप्रित्यर्थ पुजण्यात येत असलेल्या महालक्ष्मीची मूर्ती सोन्याच्या अलंकाराने सजवली जाते. या देवीस अलंकारिक स्वरुपात सजवून देव्हाऱ्यात विराजित करण्यात आले होते. आज शनिवार (दि.६) सकाळी 07.30 वाजण्यापूर्वी देवीच्या अंगावर सोन्याचे अलंकार नव्हते. पुरोहित श्रींची पूजा करण्यासाठी आले असता देवीच्या अंगावरील चपलाहार, मंगळसूत्र अंगावर नसल्याचे नजरेस पडले. त्यांनी समाजाच्या पदाधिकाऱ्यांना याप्रकरणी माहिती दिली. वास्कोचे पोलीस निरीक्षक नीलेश राणे यांच्या मार्गदर्शनाखाली उपनिरीक्षक रितेश तारी, हवालदार संतोष भाटकर यांनी घटनास्थळी जाऊन पाहणी केली.