नुवे: सोशल मीडियावर सध्या गोव्यातील एक व्हिडिओ व्हायरल होत आहे. हा व्हिडिओ नुवे येथील असल्याचे सांगितले जात आहे. शनिवारी (17 मे) हा व्हिडिओ व्हायरल झाला. या व्हिडिओमध्ये नुवेतील महामार्गाच्या कडेला पडलेले गोलाकार गोळे गोळा करण्यासाठी लोक धावताना दिसत आहेत. लोकांच्या या विचित्र वर्तनामुळे महामार्गावरील वाहतूक काही काळासाठी विस्कळीत झाली.
दरम्यान, शनिवारी दुपारी नुवे महामार्गावर चकीत करणारे दृश्य पाहायला मिळाले. लोक अचानक आपली वाहने रस्त्याच्या कडेला थांबवून महामार्गावर पडलेले गोळे गोळा करण्यासाठी धावले. सुरुवातीला हे गोळे सोन्याचे (Gold) असल्याचा अंदाज वर्तवला जात होता. मात्र, अधिक तपासणी केल्यानंतर हे गोळे लोखंडी धातूचे असल्याचे निष्पन्न झाले. अचानक लोक रस्त्यावर उतरताच गोंधळाचे वातावरण निर्माण झाले.
गोलाकार गोळे सोन्याचे असल्याचे समजून लोकांनी महामार्गावर आपली वाहने थांबवली, ज्यामुळे संपूर्ण परिसरात गोंधळाचे वातावरण निर्माण झाले. त्यांच्या अशा वर्तनामुळे महामार्गावर वाहतूक विस्कळीत झाली. याचा फटका महामार्गावरुन प्रवास करणाऱ्या इतर प्रवाशांना बसला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.