मोरजी: मांद्रे मतदरसंघांतल्या एकदम टोकाला असलेल्या केरी या गावातील एक अनोखा प्रकार रेव्होलूशनरी गोवन्सच्या(Revolutionary Govans) मांद्रे (Mandre)गटाने अधोरेखित केला आहे. या सुंदर अश्या गावात गेली कित्येक वर्षे लोक फक्त विहीर आणी बोरिंगच्या पाण्यावर अवलंबून आहेत.
आरजीच्या मांद्रे गटाने याठिकाणी डोंगरावर असलेल्या टाक्यांना भेट दिली. या टाक्या कित्येक वर्षे वापरात नाही आहेत. येथील पायप लाईन पण जागोजागी फुटली आहे. सोशल मीडियावरील व्हिडिओच्या माध्यमातून हा विषय लोकांसमोर आणला.
"या दोन भल्या मोठ्या टाक्यांचे सरकारने 2006 साली उद्घाटन केले होते. त्यावेळी गावात पायप लाईन टाकण्याचे काम देखील केले होते. काही घरांना मीटर देखील बसवून दिला होता. पण त्यांना आजतागायत नळाचे पाणी (water)मिळाले नाही. जर या लोकांना नळाने पाणीपुरवठा करायचाच नव्हता, तर या साऱ्यावर करदात्यांच्या पेशांची नासाडी का केली? एप्रिल, मे महिन्यात या लोकांनी आपल्या खर्चाने खोदलेल्या विहिरी आटतात त्यावेळी त्यांनी काय करावे", असे प्रश्न मांद्रे आरजीच्या युवा नेत्या सुनयना गावडे यांनी केले आहेत.
या गावातील फक्त एका वाड्यावर नळाची जोडणी आहे व त्यांना सुध्दा शेजारील गावातील टाकीतून पाणी पुरवठा करण्यात येतो. गावात टाक्या असून देखील त्या विनवापर तश्याच पडून आहेत. तरी सरकारने (government)या वर लक्ष देवून लवकरात लवकर ही समस्या सोडवावी असे आवाहन सुनयना गावडे (Sunaina Gawde)यांनी केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
