पणजी : गोवा विद्यापीठात गेली दहा वर्षे मल्टीटास्क कर्मचारी पदावर कंत्राटी तत्त्वावर काम करणाऱ्या सुमारे २५ कामगारांना काढण्यात आल्याचा आरोप करण्यात आला आहे.
नवीन कंत्राटी कामगारांना घेतल्यावर आम्हाला तडकाफडकी काढल्याची व्यथा आझाद मैदान येथे आयोजित पत्रकार परिषदेतून बडतर्फ कर्मचाऱ्यांनी मांडली. त्यांनी ‘आम्हाला शासनाने कामावर रूजू करून न्याय द्यावा’ अशी मागणी केली आहे. यावेळी मयुर वेर्णेकर, गजाननन मयेकर, अविनाश कुट्टीकर व इतर कर्मचारी उपस्थित होते.
अजब कारभार
ज्यावेळी गोवा विद्यापीठात एमटीएस पदांसाठी नोकऱ्या आल्या, त्यावेळी आम्ही देखील अर्ज भरले. परीक्षा दिली आणि कामावर देखील काही काळ रूजू झालो. मात्र, आम्हाला अचानकपणे कामावरून बडतर्फ केले. परीक्षा दिलेल्यांपैकी नवीन कर्मचाऱ्यांना १७ तारखेला कामावर रूजू होण्यास सांगितले व परीक्षेचा निकाल त्यानंतर जाहीर करण्यात आला. असा अजब कारभार गोवा विद्यापीठात सुरू असल्याचा आरोप गजानन मयेकर यांनी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
