बोरी येथील ४० वर्षे जुन्या पुलाच्या दुरुस्तीचे काम सार्वजनिक बांधकाम खात्याकडून हाती घेतले जाणार आहे. त्यामुळे हा पूल ११ ऑक्टोबर ते २ नोव्हेंबरपर्यंत वाहतुकीसाठी बंद राहणार असल्याचे कळविलेे आहे.
सांगे येथील सरकारी उच्च माध्यमिक विद्यालयात एक गंभीर घटना घडली. शाळेच्या छताचा एक भाग कोसळल्याने चार विद्यार्थी जखमी झाले. जखमी विद्यार्थ्यांना तात्काळ उपचारासाठी मडगाव येथील रुग्णालयात दाखल करण्यात आले.
बांधकाम चालू असलेल्या इमारतीवरून पडल्याने मजूर मृत्युमुखी. डिचोलीतील व्हाळशी येथील घटना. मयत मजूर कर्नाटकमधील.
मडगाव पोलिसांनी दोन लाख ७७ हजार रुपयांचा गांजा जप्त करून दोघांना अटक केली. अरबाज शेख (२५, रा. तळेबांद-दवर्ली) व झाहीद हसकोप (२२, रा. रुमडामळ गृहनिर्माण वसाहत) अशी संशयितांची नावे आहेत.
तेम्बी-राय येथील अपघातप्रकरणी मायणा-कुडतरी पोलिसांनी कारचालक सुजय कोमरपंत याच्यावर गुन्हा नोंद केला आहे. १२ सप्टेंबर रोजी अपघाताची ही घटना घडली होती. कारच्या धडकेने भिकाजी डुंगू (४२) हे गंभीर जखमी झाले होते.
वळपे - विर्नोडा येथील नीलेश प्रभाकर आरोंदेकर यांच्या राहत्या घरातून ६ रोजी सुमारे सात लाख रुपयांचे सोन्याचे दागिने व एक लाख रुपयांची रोकड चोरून नेल्याची तक्रार काल पेडणे पोलीस ठाण्यात नोंदविण्यात आली आहे.
कळंगुटचे आमदार मायकल लोबो यांच्या मालकीच्या रेस्टॉरंटमध्ये चोरी झाल्याचे उघडकीस आले आहे. लोबो यांच्या मालकीचे हणजूण येथे रेस्टॉरंट आहे. तिथे चोरट्यांनी चोरी करुन रोकड लंपास केल्याचे समोर आले आहे. पोलिसांनी याप्रकरणी तपास सुरु केला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.