फातोर्डा: स्वातंत्र्याची 60 वर्षे पुर्ण केल्याचे औचित्य साधुन गोव्यात सरकार (Government in Goa) विविध उपक्रम राबवित आहे. वेगवेगळ्या कार्यक्रमांचे आयोजन होत आहे. गोव्याच्या स्वातंत्र्य लढ्याचा इतिहास व स्वातंत्र्यसैनिकांचे योगदान व कार्य जानमानसात खास करुन तरुण पिढीपर्यंत पोहचविणे गरजेचे आहे व त्यासाठी सरकार प्रयत्नशील असल्याचे उपमुख्यमंत्री चंद्रकांत उर्फ बाबू कवळेकर (Chandrakant Kavalekar) यानी सांगितले.
रवीन्द्र भवन मडगावमध्ये माहिती व प्रसिद्धी खात्या तर्फे चित्रकार वसंत सुरेश नगर्सेकर यानी रंगवलेल्या 60 स्वातंत्र्यसैनिकांच्या पोर्ट्रेट प्रदर्शनाचे उदघाटन केल्यावर ते प्रसार माध्यमाशी बोलत होते. या प्रसंगी रवीन्द्र भवन मडगावचे अध्यक्ष दामोदर (दामू) नाईक), भवनच्या सदस्य सचिव संध्या कामत, माहिती व प्रसिद्धी खात्याचे अधिकारी श्याम गावकर व चित्रकार वसंत नगर्सेकर उपस्थित होते.
गोव्याच्या स्वातंत्र्याची (Goa Independence) 60 वर्षे पुर्ण करणाऱ्या या वर्षात सरकारने जे कार्यक्रम आंखले आहेत त्यात मुख्यमंत्री डॉ. प्रमोद सावंत सर्व थरातील लोकांना सामील करुन घेत आहेत असेही त्यानी सांगितले.
गोव्याच्या स्वातंत्र्य लढ्याची सुरुवात मडगावहुन झाली. ही गोव्याची पुण्यभुमी आहे. स्वातंत्र्यलढ्याचा इतिहास (History) प्रेरणा देणारा आहे व त्यातुन पुढे जाणे महत्वाचे आहे. हा ठेवा जतन करुन ठेवणे, त्यातुन जगण्याचा नवा आयाम मिळावा. सरकारचे उपक्रम तळागळात पोहोचावे व खास करुन शालेय विद्यार्थ्यांनी हे प्रदर्शन आवर्जुन पहावे असे आवाहन दामू नाईक यानी केले.
आपल्याला हे पोर्ट्रेट तयार करण्यास चार महिने लागले. हे पोर्ट्रेट आपण स्वातंत्र्य लढ्यावरील अनेक पुस्तकांचे संंदर्भ घेऊन केले असे चित आपल्याला हे पोर्ट्रेट तयार करण्यास चार महिने लागले. हे पोर्ट्रेट आपण स्वातंत्र्य लढ्यावरील अनेक पुस्तकांचे संंदर्भ घेऊन केले असे चित्रकार नगर्सेकर यानी सांगितले. हे प्रदर्शन 30 नोव्हेेंबर पर्यंत लोकांसाठी खुले असेल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
