मडगाव: राष्ट्रवादी काँग्रेसचे (NCP) गोव्याचे प्रदेश अध्यक्ष जुझे फिलिप डिसोझा (Juze Philip D'Souza) यांनी येणारी निवडणूक आपण दाबोळी (Daboli) मतदारसंघातून लढविण्याचे संकेत दिले आहेत. यापूर्वी डिसोझा दोनवेळा वास्को (Vasco) मतदारसंघातून निवडून आले होते तर दोनवेळा त्यांचा याच मतदारसंघात पराभवही झाला होता.
आपण मतदारांच्या संपर्कात असून यासंदर्भात लवकरच निर्णय घेणार असे डिसोझा यांनी सांगितले. दाबोळीतील कित्येक मतदार आपल्या संपर्कात असल्याचे त्यांनी सांगितले.
सध्या दाबोळी मतदारसंघाचे पंचायतमंत्री माविन गुदिन्हो हे आमदार असून डिसोझा हे या मतदारसंघातून निवडणूक वाढविल्यास त्याना तुल्यबळ टक्कर मिळू शकते.
या संदर्भात बोलताना डिसोझा म्हणाले, 1989 पासून मी वास्को मतदारसंघातून निवडणूक लढविली आहे. आज जो दाबोळी मतदारसंघ आहे त्याचा 60 टक्के भाग पूर्वीच्या वास्को मतदारसंघात मोडत असून या मतदारसंघात माझे कित्येक समर्थक आणि हितचिंतक अजूनही आहेत असे त्यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
