'कंठ दाटला अन् डोळे भरून आले' खासदार विनय तेंडुलकरांना राज्यसभेतून निरोप

MP Vinay Tendulkar गोव्याचे खासदार विनय तेंडुलकर आज राज्यसभेतून निवृत्त झाले, त्यांना सभागृहात निरोप देण्यात आला. राज्यसभेचे अध्यक्ष आणि उपराष्ट्रपती जगदीप धनकड यांनी तेंडुलकर यांची ओळख करून देत त्यांचे सभागृहातील योगदान याविषयी माहिती दिली. यावेळी तेंडुलकर यांचा कंठ दाटला आणि डोळे भरून आले. त्यांनी हळूवार हाताने डोळे पुसले.

विनय तेंडुलकरांनी सभागृहाचा निरोप घेताना राजकारणातून निवृत्त होणार नाही असे सांगत पुन्हा मोदींना पंतप्रधान करण्याची विश्वास व्यक्त केला.

निरोप देताना राज्यसभेचे अध्यक्ष आणि उपराष्ट्रपती जगदीप धनकड म्हणाले?

जुलै 2017 मध्ये विनय तेंडुलकर या सभागृहात निवडून आले. तेंडुलकर एक अभियंते, कलाकार आणि सामाजिक कार्यकर्ते आहेत. त्यांनी गोव्यात कॅबिनेट मंत्रीपद देखील भूषविले आहे. 2020 साली राज्यसभेत कोकणीतून बोलताना त्यांनी इतिहास निर्माण केला.

राज्यसभेतून निवृत्त झाले तरी ते पुढे देखील देशाची सेवा करत राहतील. मी त्यांना उत्तम आरोग्य आणि सुख समुद्धी लाभावी अशा शुभेच्छा देतो. असे राज्यसभेचे अध्यक्ष आणि उपराष्ट्रपती जगदीप धनकड म्हणाले.

विनय तेंडुलकर काय म्हणाले?

विनय तेंडुलकर यांनी यावेळी पंतप्रधान नरेंद्र मोदी, गृहमंत्री अमित शहा, पक्षाध्यक्ष जे. पी. नड्डा आणि भाजप पक्षाचे आभार मानले. मी आज सभागृहातून निवृत्त होत असलो तरी राजकारणातून होणार नाही. येत्या 2024 च्या निवडणुकीत नरेंद्र मोदी यांना निवडून आणण्यासाठी प्रयत्न करणार असे तेंडुलकर म्हणाले.

दरम्यान, विनय तेंडुलकर यांच्या जागी आता गोव्यातून भाजप प्रदेशाध्यक्ष सदानंद शेट तानावडे यांनी राज्यसभा खासदार म्हणून बिनविरोध निवड झाली आहे.