साखळीतील वळवंटी नदीच्या पातळीत वाढ झाल्याने बाजारात वाळवंटीच्या किनारी असलेल्या पूरप्रतिबंधक यंत्रणेचे काम सुरू झाले आहे. मंगळवारी मध्यरात्रीनंतर पंपिंग सुरू करून बाजारातील बाजारातील नाल्यात साचणारे पाणी नदीत सोडण्याची प्रक्रिया हाती घेण्यात आली आहे.
मंगळवारी दिवसभर तसेच रात्रभर जोरदार पडलेल्या पावसामुळे वाळवंटीची पातळी रात्री वाढली होती. बाजारातील नाल्याची पातळी ३.४० मीटर, तर नदीची पातळी ३.५० मीटर झाल्यानंतर नाल्याचे गेटस् बंद करण्यात आले. व नाल्यातील पाण्याचे पंपिंग करून ते पुन्हा नदीत फेकण्याची प्रक्रिया हाती घेण्यात आली.
हरवळेतील धबधब्याला रौद्ररूप
हरवळे साखळी येथील श्री रुद्रेश्वर देवाच्या समोर उंचावरून कोसळणाऱ्या भीमतीर्थ धबधब्याने रौद्ररूप धारण केले आहे. या धबधब्यात विसर्जित होणाऱ्या नदीला सततच्या पडणाऱ्या मुसळधार पावसामुळे उधाणच आले होते.
त्यामुळे या धबधब्याचे स्वरूप अत्यंत भयानक बनले आहे. या धबधब्याला मोठ्या प्रमाणात पाणी आल्याने पैलतीरी असलेल्या जैन मंदिराकडे जाण्यासाठी असलेला लोखंडी पूल पाण्याखाली गेला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.