Goa Monsoon Update 2023: अनेक दिवसांच्या विश्रांतीनंतर गोव्यात पाऊस आपल्या मूळ अवतरात परतला आहे. हिंद महासागरातील द्विध्रुवामुळे राज्यातील मॉन्सून पुन्हा एकदा पुनरुज्जीवीत झाला आहे. गुरुवार आणि शुक्रवारी जोरदार पावसाने राज्यभरात हजेरी लावली.
शुक्रवारी पहाटेपासून सुरू झालेला पाऊस संध्याकाळी उशिरापर्यंत पाहायला मिळाला. हवामानशास्त्रज्ञ आणि निवृत्त एनआयओ शास्त्रज्ञ, एम आर रमेश कुमार यांनी दिलेल्या माहितीनुसार, हिंदी महासागर द्विध्रुव ही हिंद महासागरातील अशी एक गोष्ट आहे जिचे दोन टप्पे आहेत, एक सकारात्मक आणि दुसरा नकारात्मक.
हिंद महासागर द्विध्रुवाचा सकारात्मक टप्पा भारतीय उपखंडातील पर्जन्यवृष्टीसाठी अनुकूल आहे. त्यामुळे गोव्यात पुन्हा एकदा जोरदार पावसाच्या सरी कोसळू लागल्या आहेत.
अरबी समुद्र आणि भारतीय उपखंडाच्या मध्य भागात निर्माण झालेले कमी दाबाचे पट्टे तसेच ऑफ शोर टर्फस्‌ यामुळे राज्यात तब्बल 22 दिवस दडी मारलेल्या पावसाने पुन्हा दमदार हजेरी लावली आहे.
हवामान खात्याच्‍या अंदाजानुसार आजपर्यंत (26 ऑगस्ट) राज्यात काही ठिकाणी तुरळक व मध्यम तर काही ठिकाणी मुसळधार पावसाची शक्यता आहे. समुद्रात मोठ्या लाटा उसळण्याची शक्यता असून मच्छीमारांना सतर्क राहण्‍याचे आवाहन करण्‍यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
