गोव्यात सध्या पावसाच्या जोरदार सरी बरसत आहेत. राज्यात विविध ठिकाणी पडझड होण्यासाह नैसर्गिक अपघाताच्या घटना समोर येत आहेत. अशात मुख्यमंत्री प्रमोद सावंत यांनी उद्घाटन केलेले गांजे येथील पाणी प्रकल्पाचे पंप हाऊस तीन दिवसांतच वाहून गेल्याची घडली आहे. गांजे येथे उभारण्यात आलेल्या पंप हाऊसचे 16 जुलै 2023 रोजी उद्घाटन झाले होते.
साखळी मतदारसंघातील पाळे, वेळगे आणि सुर्ला या गावांना पाणी पुरवठा करण्यासाठी पाळे कोथंबी येथे उच्चदाब पंप बसविण्यात आला. मुख्यमंत्री प्रमोद सावंत यांनी निलेश काब्राल यांच्या सोबतीने या पंप हाऊसचे उद्घाटन केले. 16 जुलै रोजी उद्घाटन झालेला हे पंप हाऊस शेजारील नदीच्या पाण्यात वाहून गेले आहे.
या घटनेवरून काँग्रेसने भाजप सरकार आणि बांधकाम मंत्री निलेश काब्राल यांच्यावर टीका केली आहे.
काँग्रेस प्रदेशाध्यक्ष अमित पाटकर यांनी यावरून निशाना साधत भाजप सरकार भ्रष्टाचाराची फॅक्टरी असल्याचे म्हटले आहे. तीन दिवसांपूर्वी उद्घाटन झालेले पंप हाऊस वाहून गेले. नागरिकांचा पैसा पाण्यात गेला, भाजप सरकार भ्रष्टाचाराची फॅक्टरी झाली आहे. असा आरोप पाटकर यांनी ट्विट करत केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.