Goa Monsoon 2025: गोव्यात गुरुवारी रेड अलर्ट, मुसळधार पावसाचा इशारा; आठवडाभर राहणार पाऊस

Goa Weather Update: हवामान खात्याने गोव्यात आज (११ जून) वादळी वाऱ्यासह हलक्या ते मध्यम स्वरुपाच्या पावसाची शक्यता व्यक्त केली आहे.
IMD Goa Issue Red / Orange Alert For 2 Days
Goa Monsoon 2025Dainik Gomantak
Published on
Updated on

पणजी: मे महिन्याच्या अखेरीस राज्यात धुमाकूळ घातलेल्या पावसाने जूनपासून काहीशी विश्रांती घेतली आहे. दरम्यान, पाऊस पुन्हा दमदार एन्ट्री करण्याची शक्यता असून, हवामान विभागाच्या गोवा वेधशाळेने राज्यात गुरुवारी (१२ जून) रेड अलर्ट तर शुक्रवारी (१३ जून) ऑरेंज अलर्ट जारी केला आहे. राज्यात आठवडाभर पाऊस सक्रिय राहण्याचा अंदाज वेधशाळेने वर्तवला आहे.

 गोवा हवामान खात्याच्या वेधशाळेने दिलेल्या माहितीनुसार, राज्यात बुधवारी (११ जून) यलो अलर्ट जारी करण्यात आला आहे. गुरुवारी रेड आणि शुक्रवारी ऑरेंज अलर्ट जारी केला आहे. १४ ते १७ जून या काळात राज्यात पावसाचा यलो अलर्ट जारी करण्यात आला आहे. गुरुवारी आणि शुक्रवारी राज्यात मुसळधार पावसाचा अंदाज वेधशाळेने वर्तवला आहे. हवामान खात्याच्या अंदाजानुसार, राज्यात आठवडाभर पावसाची शक्यता आहे.

IMD Goa Issue Red / Orange Alert For 2 Days
Goa Assembly Monsoon Session 2025: गोवा विधानसभा पावसाळी अधिवेशनाची तारीख जाहीर, जुलैमध्ये 'या' दिवसांपासून सुरु होणार

या काळात राज्यात वादळी वाऱ्यासह, वीजांचा कडकडाट होण्याचा अंदाज असून, ३० ते ४० प्रतितास वेगाने वारे वाहण्याची शक्यता आहे.

पुढील १ ते ३ तास वादळीवाऱ्यासह पावसाची शक्यता

हवामान खात्याने गोव्यात आज (११ जून) वादळी वाऱ्यासह हलक्या ते मध्यम स्वरुपाच्या पावसाची शक्यता व्यक्त केली आहे. याकाळात वादळासह ३० ते ४० प्रतितास वेगाने वारे वाहण्याचा अंदाज देखील वर्तविण्यात आला आहे.

IMD Goa Issue Red / Orange Alert For 2 Days
Calangute Crime: वाढदिवसाच्या पार्टीत 2 अल्पवयीन मुलींवरील लैंगिक अत्याचार; कळंगुट येथून दोघांना अटक

गोव्यासह महाराष्ट्रात मे महिन्याच्या अखेरीस सक्रिय झालेल्या पावसाने जूनच्या दुसऱ्या आठवड्यापासून विश्रांती घेतली आहे. पाऊस आता पुन्हा सक्रिय होण्याची शक्यता असून, हवामान खात्याने गोव्यासह कोकण तसेच, पश्चिम महाराष्ट्रात देखील पावसाचा रेड अलर्ट जारी केला आहे. पुढील चार दिवसांत मुसळधार पावसाची शक्यता हवामान खात्याने वर्तवली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com