Goa Monsoon 2023: ब्रेकनंतर राज्यात पुन्हा सक्रीय होणार मॉन्सून; 7 ते 12 सप्टेंबरपर्यंत बरसणार

तीन दिवस जोरदार पावसाचा वेधशाळेचा अंदाज
Goa Monsoon 2023
Goa Monsoon 2023Dainik Gomantak

Goa Monsoon 2023: यंदा थोडा उशिराच सुरू झालेल्या मॉन्सूनने सरासरी भरून काढली असली तरी या हंगामात बराच ब्रेक घेतला आहे. आता मात्र ब्रेकनंतर राज्यात पुन्हा मॉन्सून सक्रीय होण्याची चिन्हे आहेत. आज, गुरूवार 7 सप्टेंबरपासून राज्यात पाऊस पुन्हा सक्रीय होऊ शकतो. भारतीय हवामान विभागाने (IMD) तसा अंदाज वर्तवला आहे.

Goa Monsoon 2023
Goa Petrol Diesel Price: गोव्यातील पेट्रोल-डीझेलच्या दरांमध्ये वाढ; जाणून घ्या आजच्या किमती

हवामान विभागाने 7, 8 आणि 9 सप्टेंबर रोजी राज्यात विविध ठिकाणी मुसळधार तर बहुतेक ठिकाणी मध्यम स्वरूपाच्या पावसाची शक्यता वर्तवली आहे. पावसाची शक्यता वर्तवली आहे. तसेच 10, 11, आणि 12 सप्टेंबर रोजी गोव्यात हलक्या ते मध्यम पावसाची शक्यता आहे.

आयएमडीच्या माहितीनुसार, बंगालच्या उपसागराच्या ईशान्य भागात तसेच पश्चिम-मध्य भागात, दक्षिण ओडिशा आणि उत्तर आंध्र प्रदेश किनारपट्टीवरील कमी दाबाचे क्षेत्र कमी तयार झाले आहे. तथापि, संबंधित चक्रीवादळ केवळ दक्षिण ओडिशा आणि आसपासच्या भागातच आहे.

बुधवारी संध्याकाळपर्यंत, मान्सूनचे ढग बिकानेर, गुना, मंडला, रायपूर, कलिंगपट्टणम आणि दक्षिण-पूर्वेकडून पश्चिम-मध्य बंगालच्या उपसागराकडे जात होते. समुद्रसपाटीपासून त्याची उंची 2.1 किलोमीटरवर होती.

दरम्यान, बुधवारी राज्यातील कमाल तापमानात 1 अंश सेल्सिअसने घट झाली होती. बुधवारी 6 सप्टेंबर रोजी पणजीत 32.3 अंश कमाल तापमानाची नोंद झाली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com