Goa Monsoon 2023: गोव्यात पुढील 3 - 4 तास हलक्या ते मध्यम स्वरुपाच्या पावसाचा इशारा

Goa Monsoon 2023: गोव्यात मागील बऱ्याच दिवसांपासून दडी मारलेल्या पावसाने पुन्हा हजेरी लावली, सोमवारी राज्यातील दोन्ही जिल्ह्यात अनेक ठिकाणी हलक्या ते मध्यम स्वरुपाचा पाऊस झाला.

राज्यात मंगळवारी गणपती बाप्पाचे आगमण होत असताना मान्सून सरी कोसळण्याची शक्यता हवामान खात्याने व्यक्त केली आहे. पुढील तीन ते चार तासांत दोन्ही जिह्यात पावसाचा अंदाज वेधशाळेने व्यक्त केला आहे.

गोवा वेधशाळेने व्यक्त केलेल्या अंदाजानुसार, पुढील तीन ते चार तासांत उत्तर आणि दक्षिण जिल्ह्यात हलक्या ते मध्यम स्वरुपाचा पाऊस होण्याची शक्यता आहे.

राज्यातील मुरगाव, फोंडा, धारबांदोडा आणि इतर काही तालुक्यात सध्या पावसाचे ढग जमा झाले आहेत. अशी माहिती वेधशाळेने दिली आहे.

गोव्यात जुलैपासून मुसळधार पावासाची नोंद झालेली नाही, ऑगस्ट महिन्यात देखील पावसाच्या किरकोळ सरी वगळता समाधानकारक पाऊस झालेला नाही.

सप्टेंबर महिन्याचे केवळ दहा दिवस शिल्लक असताना राज्यात मोठ्या स्वरुपाच्या पावसाची नोंद झाली नाही. पुढील तीन ते चार दिवसांसाठी वेधशाळेने देखील मोठ्या पावसाची शक्यता वर्तवलेली नाही. त्यामुळे सप्टेंबरदेखील कोरडाच जातो की काय अशी चिंता व्यक्त केली जात आहे.