मागील दोन आवड्यांपासून गोवा, कोकण आणि महाराष्ट्रात सर्वत्र मुसळधार पावसाची नोंद होत आहे. भारतीय हवामान खात्याने गोवा आणि कोकणात रेड अलर्ट जारी केला असून, अतिवृष्टीचा इशारा देण्यात आला आहे. याकाळात कोकण पट्ट्यात पावसाच्या जोरदार सरी बरसतील असा अंदाज खात्याने व्यक्त केला आहे.
पावासामुळे सकल भागात पाणी साचण्यासह काही ठिकाणी पूरस्थिती निर्माण होईल. त्यामुळे नागरिकांना सतर्क राहण्याचा इशारा देण्यात आला आहे.
भारतीय हवामान खात्याने 26 जुलै रोजी गोवा, कोकण, मध्य महाराष्ट्रात अतिवृष्टी ते मुसळधार पावासाची शक्यता व्यक्त केली आहे. या काळात 204.4 मिमि पाऊस पडण्याचा अंदाज आहे. नागरिकांना हवामान खात्याकडून वारंवार मिळणाऱ्या सूचनांकडे लक्ष देण्याचे आवाहन करण्यात आले आहे.
मंगळवारी राज्यात नोंद झालेल्या पावसाची आकडेवारी (मिमि)
सांगे 121.0, फोंडा 117.0, केपे 100.8, मडगाव 99.0, काणकोण 82.2, पणजी 73.5, मुरगाव 79.6, वाळपई 65.8, पेडणे 63.8, म्हापसा 63.3, दाबोळी 62.0, साखळी 58.8 मिमि पावसाची नोंद झाली.
दरम्यान, गोव्यात सुरू असलेल्या मुसळधार पावसामुळे राज्यातील अंजुणे वगळता सर्व धरणे ओव्हफ्लो झाली आहेत. अशी माहिती जलस्त्रोत मंत्री सुभाष शिरोडकर यांनी दिली आहे. येत्या दोन दिवसांत अंजुणे धरण देखील भरेल असे शिरोडकर म्हणाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.