Goa Monsoon 2023: राज्यात 8 जुलै ते 10 जुलै पावसाचा यलो अलर्ट; गोवा वेधशाळेची माहिती

Goa Monsoon 2023: गोव्यात गेल्या काही दिवसांपासून मुसळधार पाऊस सुरू आहे. दरम्यान, 8 जुलै ते 10 जुलै या काळात गोव्यात पावसाचा यलो अलर्ट देण्यात आला आहे. गोवा वेधशाळेने ही माहिती दिली आहे. यलो अलर्ट हा ऑरेंज आणि रेड अलर्टच्या तुलने कमी धोकादायक असतो.

गोव्यातील दोन्ही जिल्ह्यासाठी हा यलो अलर्ट असणार आहे. 8 ते 10 जुलै या काळात किनारपट्टी भागात वादळी पाऊस असेल. 45 ते 55 किलोमीटर प्रतितास वेगाने वारे वाहतील. या काळात मच्छीमारांना समुद्रात न जाण्याबाबत इशारा देण्यात आला आहे.

26 जून ते 7 जुलै या 12 दिवसांच्या कालावधीत गोव्यात मोठ्या प्रमाणात पाऊस झाला आहे. 26 जुनपुर्वी राज्यात कमी पाऊस झाला होता. तेव्हा पावसाने सरासरीही गाठली नव्हती. पण या 12 दिवसात झालेल्या पावसाने ही तूट भरून काढली आहे. उलट सरासरीपेक्षा अधिक पाऊस झाला आहे.

दरम्यान, या 12 दिवसांच्या काळात राज्यात अग्निशमन दलाकडे झाडे पडल्याच्या तसेच इतर असे एकूण 450 कॉल नोंद झालेले आहेत.