Goa Monsoon 2023: सप्टेंबर हा नैऋत्य मॉन्सून पावसाचा अखेरचा महिना असतो. गोव्यात एकूण हंगामातील खूप कमी पाऊस या महिन्यात पडत असतो. बहुतांश पाऊस पहिल्या तीन महिन्यातच पडत असल्याचे गोव्यातील पावसाच्या नोंदीवरून दिसून येते. दरम्यान, आता राज्यात पावसाने उघडीप घेतली आहे.
तथापि, उद्यापासून म्हणजेच शुक्रवार, 15 सप्टेंबरपासून मात्र राज्यात चार दिवस मुसळधार पावसाचे असतील, अशी शक्यता वर्तवण्यात आली आहे. गोवा वेधशाळेने हा अंदाज वर्तवला आहे.
15 सप्टेंबरपासून सलग चार दिवस म्हणजेच, 15, 16, 17 आणि 18 सप्टेंबर रोजी राज्याच्या दोन्ही जिल्ह्यातील विविध भागांमध्ये मुसळधार पाऊस होईल, असे हवामान विभागाने सांगितले आहे.
दरम्यान, गोवा वेधशाळेने आगामी आज, गुरूवारी 14 सप्टेंबर रोजीदेखील काही भागात मुसळधार पाऊस होण्याचा अंदाज वर्तवला होता. बार्देश, तिसवाडी, मुरगाव, सासष्टी, केपे, काणकोण येथे ढग जमा होत असून ते पूर्वेकडे सरकत असल्याचे वेधशाळेने म्हटले होते.
त्यामुळे नागरीकांना सतर्कतेचा इशाराही देण्यात आला होता. पाणी साचणाऱ्या ठिकाणी जाऊ नये, घराबाहेर पडण्याआधी वाहतूक कोंडीची स्थिती पाहा, जुन्या इमारतींजवळ उभे राहू नका, अशा सूचना देण्यात आल्या होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
