Goa Molestation Case: गोव्यात महिलांविषयक गुन्ह्यांचे प्रकार वाढत असून नुकताच बार्देशमधून एका धक्कादायक प्रकार समोर आलाय. बार्देश येथे रस्त्यांवरून जाणाऱ्या एका महिलेचा विनयभंग करत तसेच तिच्या घरी जाऊन तिच्या आणि तिच्या आईसमोर लज्जास्पद कृत्य करण्याचा प्रकार एका इसमाने केल्याची घटना घडली आहे.
या प्रकरणी प्रवीण पार्सेकर (वय 22 वर्ष, रा. कॅन्सा थिवी) याला कोलवाळ पोलिसांनी ताब्यात घेतले असून त्याच्यावर गुन्हा दाखल करण्यात आला आहे.
या घटनेसंबंधी सदर महिलेने आज 19 जानेवारी रोजी तक्रार दाखल केली आहे. या तक्रारीत म्हटल्यानुसार संशयित आरोपी प्रवीण पार्सेकर हा मागील 10 -15 दिवसांपासून संबंधीत महिलेचा अ‍ॅक्टिव्हा स्कूटरने पाठलाग करत असे.
तसेच आज त्याने सदर महिलेचा भर रस्त्यात विनयभंग करीत तिच्यावर जोरजबरदस्ती करण्याचा प्रयत्न केला.
याआधी 03 जानेवरी दरम्यानआरोपीने तक्रारदाराच्या घराच्या व्हरांड्यात बळजबरीने प्रवेश करत तिच्या आईसमोर लज्जास्पद आणि किळसवाणे कृत्य केले. याचा जाब विचारण्यासाठी गेलेल्या तक्रारदाराच्या आईचा देखील आरोपीने विनयभंग करत तिला ठार मारण्याची धमकी दिली.
या घटनेची तक्रार सदर महिलेने पोलीस स्थानकात दिल्यावर पोलिसांनी त्याचा शोध घेत त्याला थिवी येथून अटक केलीय.
तसेच त्याच्यावर कोलवाळ पोलीस ठाण्यात IPC U/s 04/2024 U/s 354-A, 354-D, 448, 509, 504, 506(ii) अंतर्गत गुन्हा दाखल केला आहे. दरम्यान आरोपी प्रवीण पार्सेकरला आज न्यायालयात हजर केले असता त्याला ३ दिवसांची पोलीस कोठडी सुनावली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.