Goa Minister Subhash Phaldesai: नेत्रावली सांगे येथील मैनापी धबधबा येथे दोघांचा बुडून मृत्यू झाल्यानंतर आता राज्य सरकार अॅक्शन मोडमध्ये आले आहे. एकतर अभयारण्य क्षेत्रातील धबधबे पर्यटकांसाठी बंद करण्याचे सरकारने ठरवले आहे.
दरम्यान, पर्यटकांच्या सुरक्षिततेसाठी धबधब्यांवर फक्‍त ‘गाईडेड टुअर्स’ करण्‍याची शिफारस वन खात्याला करण्यात आली आहे. समाजकल्‍याण मंत्री सुभाष फळदेसाई यांनी याबाबत वन खात्याला शिफारसी केल्या आहेत.
केवळ शनिवारी-रविवारी या टुर्स होतील. तसेच धबधब्यांवर होणारी पर्यटकांची गर्दी लक्षात घेऊन अशा ठिकाणी जीवरक्षक आणि पोलीस तैनात करण्‍याची शिफारसही करण्यात आली आहे.
मैनापी धबधब्‍यावर दोन स्‍थानिक पर्यटकांना बुडून मृत्यू झाल्यानंतर पुन्हा अशा दुर्घटना घडू नयेत म्‍हणून काय उपाययोजना करता येतील, यावर चर्चा करण्‍यासाठी फळदेसाई यांनी सांगे येथे बैठक बोलावली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.