Kadamba Bus: रांग विसरा आता कदंब बसचे तिकीट ऑनलाईन बुक करा

Goa Miles App For Kadamba Bus Booking: कदंब बसचे ऑनलाईन तिकीट बुकींगसाठी मोबाईल एप्लिकेशन लॉन्च करण्यात आले असून, प्रवाशांना आता थेट ऑनलाईन पद्धतीने तिकीट बुक करता येणार आहे. त्यामुळे तिकीटसाठी तासंतास रांगेत उभे राहण्याचा त्रास वाचणार आहे.

गोवा माईल्स मोबाईल अॅपच्या माध्यमातून प्रवाशांना कदंबचे तिकीट बुक करता येणार आहे. मोबाईल अॅपमध्ये सिटी राईड, रेंटल आणि बस अशा तीन प्रकारच्या सुविधा आहेत.

यात बस हा पर्याय निवडून पिकअप आणि ड्रॉप लोकेशन निवडून प्रवास करता येईल.

यासह कदंब बसचे वेळापत्रक देखील सोबत जोडण्यात आले आहे. यामध्ये कोणत्या मार्गावर कोणत्या बस धावणार त्यांच्या वेळा आणि मार्ग यांची माहिती देण्यात आली आहे.