Margao Electricity: मडगाव येथे वीजवितरण विभागाचा पोल कोसळला, विद्युत विभागाचे पथक घटनास्थळी दाखल

Margao Electricity: मडगाव येथील अबरार मशिदीजवळ (खरेबांध) रस्त्यावरील वीजवितरण विभागाचा पोल मोडून रस्त्यावर पडल्याची घटना घडल्याची माहिती मिळाली आहे. सदर घटनेची माहिती मिळताच विद्युत विभागाचे पथक घटनास्थळी दाखल झाले असून या घटनेत कोणतीही जीवितहानी झाली नसल्याची प्राथमिक माहिती मिळाली आहे.

या पोलवरील वीजवाहिन्यांमधून विजेचा प्रवाह सुरु होता का? याबाबत अद्याप कोणतीही माहिती समोर आली नाही. मात्र या घटनेमुळे अल्प कालावधीसाठी या मार्गावरील वाहतूक बंद ठेवण्यात आली होती.