Goa Municipality: मडगावातील धोकादायक इमारती पाडा- ज्योती कुमारी

Goa Municipality: मडगाव शहरात धोकादायक स्थितीत ज्या इमारती आहेत त्या खाली करून पाडण्याची प्रक्रिया मडगाव पालिकेने हाती घ्यावी, अशी सूचना दक्षिण गोव्याच्या जिल्हाधिकारी ज्योती कुमारी यांनी मडगाव पालिकेचे मुख्याधिकारी मानुयेल बार्रेटो यांना दिल्या आहेत.

मडगाव पालिकेने यापूर्वी शहरांतील 18 जुन्या इमारती धोकादायक ठरविल्या होत्या. त्यापैकी सात इमारत मालकांनी आपले इमारत स्थिरता प्रमाणपत्र पालिकेला सादर केले आहे. काही दिवसांपूर्वी पिंपळकट्टा परिसरात घडलेल्या घटनेची जिल्हाधिकारी ज्योती कुमारी यांनी दखल घेताना सूचना केल्या आहेत. काल त्यांनी याबद्दल मडगावचे नगराध्यक्ष दामोदर शिरोडकर यांच्याशी चर्चाही केली.

कामत यांच्या सूचना: आमदार दिगंबर कामत यांनीही काल पिंपळकट्टा परीरिसराची पाहणी करून आढावा घेतला. या परिसरात दुतर्फा पार्किंग केल्याने वाहतुकीची कोंडी होते. त्यामुळे यापुढे पिंपळकट्टा परिसर ते रेल्वे स्थानकापर्यंत केवळ एकाच बाजूने पार्किंग करून दुसरी बाजू मोकळी सोडण्याच्या सूचना त्यांनी वाहतूक पोलिसांना केल्या.