Goa Hit And Run Case: बांबोळी हायवेवर शुक्रवारी रात्रौ 8.15 च्या सुमारास इलेक्ट्रिक कार आणि अॅक्टिव्हा स्कूटरमध्ये अपघात झाला असून 10.30 पर्यंत रुग्णवाहिका न पोहोचल्याने गंभीर परिस्थिती उद्भवली होती.
या घटनेसंबंधी मिळालेली प्राथमिक माहिती अशी कि,ट्यूशन संपवून अॅक्टिव्हा स्कूटर वरून वडील आणि मुलगी घरी जात असताना बांबोळी हायवेवर एका इलेक्ट्रिक कारची त्यांच्या अॅक्टिव्हा स्कूटरला धडक बसली.
ही धडक एवढी जोरदार होती की दुचाकीवरील ते दोघेही रस्त्याच्या एका बाजूला फेकले गेले. अपघातानंतर कार चालकाने घटनास्थळावरून पलायन केले.
त्यानंतर तिथून जाणाऱ्या श्रेया काणकोणकर आणि काव्या दिवकर यांनी त्या जखमींना हॉस्पिटलला नेण्याससाठी रुग्णवाहिकेशी संपर्क साधला.
तसेच पोलिसांशीही संपर्क साधण्याचा प्रयत्न केला. मात्र दोन्हीही विभागाकडून रात्रौ 10.30 पर्यंत घटनास्थळी कुणीही फिरकले नसल्याची माहिती मिळाली आहे.
अखेर श्रेया काणकोणकर आणि काव्या दिवकर यांनी जखमींना गोवा मेडिकल कॉलेजमध्ये दाखल केल्याची प्राथमिक माहिती मिळाली आहे. अपघातग्रस्त मुलीचे आणि वडिलांचे नाव, पत्ता, वय या संबंधी अद्याप कोणतीही माहिती समोर आली नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.