Goa News: बीसीसीआयने रोहन गावस देसाई यांचे प्रतिनिधित्व स्वीकारले

औद्योगिक व किनारी भागातील प्रदूषण रोखण्यासाठी तसेच महापालिका व पंचायतींच्या कचरा व्यवस्थापन सुविधांची पडताळणी करण्यासाठी विस्तृत तपासणी मोहिमेचे नियोजन गोवा राज्य प्रदूषण नियंत्रण मंडळाने केले आहे.

वेर्णा येथील कोकण रेल्वे यार्ड परिसरात काँक्रिट मिक्सरची धडक बसल्याने सुदाम गायकवाड(५३)हा मरण पावला. याप्रकरणी वेर्णा पोलिसांनी मिक्सर चालक सुभान आलम विरोधात गुन्हा नोंदवला आहे. सदर घटना ११ रोजी दुपारी १२.३० वा. घडली. मूळचा बिहारचा सुभान आलम हा मिक्सर चालवत होता.

ट्यूशनला जातो म्हणून ८ सप्टेंबरला दुपारी ३ वाजता घराबाहेर पडलेला चौदा वर्षीय मुलगा प्रयागराज येथे त्याच्या नातेवाईकाकडे पोहोचला. त्या मुलाला वास्कोला आणण्यासाठी त्याचे नातेवाईक प्रयागराजला जाणार आहेत. तो बेपत्ता झाल्यासंबंधी त्याच्या वडिलांनी मुरगाव पोलिस स्थानकात तक्रार केली होती. पोलिसांनी ही तक्रार अपहरण म्हणून नोंद केली होती.

खाण खात्याच्या पोर्टलवर नोंदणीकृत अशा वाहनांच्या फिटनेस प्रमाणपत्राची मुदत संपल्यानंतर झालेल्या विलंबासाठी ३० सप्टेंबरपर्यंत जास्तीत जास्त १ हजार रुपये इतकेच शुल्क आकारले जाणार आहे. या निर्णयामुळे संबंधित वाहनधारकांना दिलासा मिळणार आहे.

गोवा उद्योग विभागाने सासष्टीतील लोटलीत तेरा हजार चौरस मीटरपेक्षा (१३,२८८) जास्त खासगी मालकीचा भूखंड गुंतवणूक प्रोत्साहन क्षेत्र (आयपीए) म्हणून अधिसूचित केली आहे. जेणेकरून एक्सप्रेस मशिन्स अँड स्कॅफोल्डिंग प्रायव्हेट लिमिटेड या खासगी कंपनीला राज्यात त्यांचे कामकाज वाढवता येणार आहे. ऑक्टोबर २०२४ मध्ये कंपनीने खासगी मालकीच्या जमिनीवर नवीन गोदाम उभारण्यासाठी केलेल्या प्रस्तावानंतर हे पाऊल उचलले गेले आहे.

आयएमडीने १३ सप्टेंबर ते १५ सप्टेंबर २०२५ दरम्यान गोव्यासाठी यलो अलर्ट इशारा दिला आहे.

यंदाच्या ‘आयुर्वेद दिना’चा मुख्य सोहळा गोव्यात होणार आहे. केंद्रीय आयुष मंत्री प्रतापराव जाधव यांनी माऊंट आबू येथे एका परिषदेत ही घोषणा आज केली. हा सोहळा धारगळ येथील अखिल भारतीय आयुर्वेद संस्थेच्या माध्यमातून २३ सप्टेंबर रोजी होणार आहे.

वाळपई सत्तरी येथील श्री हनुमान विद्यालयात सॅनिटरी पॅड इनसिनिरेटर मशीन आणि पॅड डिस्पेन्सर मशीनचे उद्घाटन शनिवारी उत्साहात पार पडले.

काँग्रेस एनएसयूआयची मागणी आहे की सरकारने बिट्स पिलानी कॅम्पसमध्ये झालेल्या मृत्यूंची चौकशी करण्यासाठी विशेष तपास पथक स्थापन करावे.

मांद्रे जुनस वाडा या ठिकाणी जे फॉरेस्ट खात्याचे फॉरेस्ट पार्क आहे. त्या ठिकाणी अस्वच्छता मोहीम असून मनोरंजनाची साधने नसून या ठिकाणी मोठ्या प्रमाणात गवत वाढले असून स्वच्छता मोहीम राबवली जात नाही.

समुद्र किनाऱ्यांवरील भटकी कुत्री, रस्त्यांवर फिरणारी मोकाट गुरे, टॅक्सी असे प्रश्न मुख्यमंत्री डॉ. प्रमोद सावंत यांनाच सोडवावे लागत असतील तर इतर मंत्री काय करतात? : मायकल लोबो, आमदार, भाजप

सरकारी जमिनींवरील घरे कायदेशीर करण्यासंदर्भातील मसुदा अधिसूचना महसूल खात्याकडून जारी. सूचना, हरकतींसाठी १५ दिवसांची मुदत. गत पावसाळी अधिवेशनात विधेयकाला मंजुरी मिळाल्यानंतर झाले होते कायद्यात रुपांतरण.