Goa News: देवसडा-धारबांदोडा अपघात, पळून गेलेल्या चालकाचा शोध सुरु; वाचा दिवसभरातील घडामोडी

गोव्याच्या राज्यपालांनी २५ सप्टेंबर २०२५ रोजी सभापतींच्या निवडणुकीसाठी विधानसभा बोलावली आहे.

मोपा इंटरनॅशनल एअरपोर्टवर ब्लू कॅप टॅक्सी काउंटर मागच्या चार महिन्यापासून बंद होता तो काउंटर कार्यरत करण्यासाठी मुख्यमंत्री डॉक्टर प्रमोद सावंत आमदार प्रवीण आर्लेकर यांनी सहकार्य केल्याबद्दल ब्लू कॅप टॅक्सी काउंटरचे अध्यक्ष पदाधिकाऱ्यांनी आभार मानले.

दैनिक गोमन्तक आयोजित २०२५ चित्रकला स्पर्धेत श्री सरस्वती प्राथमिक मराठी विद्यालय, कुडचडे येथील विद्यार्थ्यांनी विविध स्तरांवर बक्षिसे मिळवून कौतुकास पात्र ठरले.

निशिता प्रदीप घोरपडे आणि सावी जयेश नाईक – जिल्हा पातळीवर दुसरे बक्षीस

शरण्या ए. नाईक – राज्य पातळीवर दुसरे बक्षीस

कनिष्क कुष्ठ गावकर – केंद्रस्तर पातळीवर उत्तेजनार्थ बक्षीस

'सायबर क्राईम'पासून सतर्क रहा. डिजिटल अरेस्ट, ऑनलाईन फ्रॉडविषयी डिचोलीत पालकांना मार्गदर्शन

बांबोळीतील कॅन्सर इस्पितळाचे 30 टक्के काम पूर्ण. पुढील वर्षभरात काम पूर्ण करून इस्पितळ जनतेसाठी खुले करून देणार : विश्वजीत राणे, आरोग्यमं

भाजप प्रदेशाध्यक्ष दामू नाईक यांचा वाढदिवस पणजीत साजरा. केंद्रीय मंत्री श्रीपाद नाईक, मंत्री विश्वजीत राणे,

बाबूश मोन्सेरात, रोहन खंवटे यांच्यासह आमदार, पदाधिकारी होते उपस्थित.

• आगामी विधानसभा निवडणुकीत भाजपला राज्यात पुन्हा सत्तेवर आणण्याचा दामूंचा निर्धार.

कला संस्कृती खाते आणि पश्चिम कला विभाग मार्फत मोरजी सार्वजनिक गणेशोत्सव विश्वस्त मंडळाकडे सांस्कृतिक कार्यक्रमाचे आयोजन करण्यात आले होते. यावेळी विविध नृत्य आणि कलाकारांचा सन्मान करण्यात आला यावेळी मोरजी सरपंच पवन मोर्जे कला आणि सांस्कृतिक खात्याचे संचालक श्री नाईक अधिकारी प्रदीप नाईक मोरजी सार्वजनिक गणेशोत्सव विश्वस्त मंडळाचे अध्यक्ष अमित शेटगावकर उत्सव समितीचे अध्यक्ष रुपेश शेटगावकर विकास आजगावकर आधी उपस्थित होते.

भाजप प्रदेशाध्यक्ष दामू नाईक यांनी सकाळी हरवळेत श्री रूद्रेश्वरचरणी अभिषेक केला. २०२७ मध्ये भाजपला २७ जागांसाठी प्रार्थना केली - दामू नाईक. मुख्यमंत्री डॉ. प्रमोद सावंत यांनी दिल्या शुभेच्छा २७ जागांचे दामू नाईक यांचे स्वप्न प्रत्यक्षात यावे - मुख्यमंत्री.

बेळगाव-गोवा महामार्गावरील खानापूर ते अनमोड दरम्यान सुरू असलेल्या चौपदरीकरणाच्या कामामुळे वाहनधारकांना पुन्हा एकदा मोठा त्रास सहन करावा लागण्याची शक्यता आहे. या मार्गावर अर्धवट स्थितीत असलेल्या 'हत्ती ब्रिज'चे काम लवकरच सुरू होणार असून, त्यासाठी हा मार्ग पुढील अडीच महिन्यांसाठी पूर्णपणे बंद ठेवला जाण्याची शक्यता आहे. यामुळे गोवा-कर्नाटक दरम्यान प्रवास करणाऱ्या प्रवाशांच्या चिंतेत वाढ झाली आहे.

देवसडा- धारबांदोडा येथील अपघात प्रकरणी फोंडा पोलिसांनी मालवाहू ट्रक चालकाविरुद्ध केला गुन्हा नोंद. अपघातानंतर पळून गेलेल्या चालकाचा शोध सुरु

गोवा फॉरवर्ड पक्षाच्या पर्यावरण सेलचे संयोजक विकास भगत यांनी गोवा फॉरवर्ड पक्षाच्या युवा उपाध्यक्ष रुणाल केरकर यांच्यावरील हत्येच्या प्रयत्नाचा निषेध केला आहे. अशा घटनांवरून राज्यात कायदा आणि सुव्यवस्था ढासळत असल्याचे सिद्ध होते. गोवा सरकार गाढ झोपेत आहे तर गृहमंत्री त्यांच्या राजकीय अजेंड्यात व्यस्त आहेत, असे भगत म्हणाले.