Goa News: बी.एल.संतोष यांनी मंत्र्यांसह आमदारांची घेतली भेट; वाचा गोव्यातील ठळक घडामोडी

भाजपचे राष्ट्रीय सरचिटणीस संघटन बी.एल.संतोश यांची मंत्री विश्वजीत राणे, मंत्री अलेक्स सिक्वेरा, अपक्ष आमदार डॉ.चंद्रकांत शेट्ये, खासदार तानावडेंनी घेतली भेट. आणखीनही नेते भेटणार.

दाबोळी येथील विशाल मेगा मार्ट जवळ रस्त्याच्या कडेला असलेला बॅरिकेड्स कोसळल्याने विद्युत विभाग कर्मचाऱ्याचा मृत्यू झाला. या घटनेमुळे सहकारी आणि स्थानिकांमध्ये संतापाची लाट उसळली असून, संबंधितांच्या निष्काळजीपणाला जबाबदार धरण्याची मागणी होत आहे.

मंत्रिमंडळ फेरबदलावर भाजपचे राष्ट्रीय सरचिटणीस संघटन बी.एल.संतोष यांचे मौन. बांदोड्यात महालक्ष्मी देवस्थानाच्या सभागृहात झालेल्या बैठकीत बी.एल.संतोष यांनी घेतला अखिल भारतीय महिला समन्वय बैठकीच्या तयारीचा आढावा. प्रदेशाध्यक्ष दामू नाईक, खासदार सदानंद शेट तानावडे व पक्षाच्या प्रमुख कार्यकर्त्यांची होती उपस्थिती.

मयेच्या माया केळबाय देवस्थानच्या कळसोत्सवाला प्रारंभ. पोलिस बंदोबस्तात गावकरवाडा येथील महामाया मंदिरातून देवीचा कळस काढला बाहेर.

कोट्यवधी रुपयांच्या गुंतवणूक घोटाळ्याप्रकरणी गुन्हे शाखेने दीपाली परब (42, रा. कल्याण, मुंबई) हिला अटक केली. ती घोटाळ्यातील मुख्य आरोपी मायरॉन रॉड्रिग्जची पत्नी आहे.

मयेत माया केळबाय देवस्थानच्या कळसोत्सवाच्या पार्श्वभूमीवर पोलिस बंदोबस्त तैनात. देवीचा कळस अजूनही मंदिरात.

गोवा प्रदूषण नियंत्रण मंडळाच्या सूचनेनंतर सासष्टीचे मामलेतदारासह संबंधित अधिकाऱ्यांनी नेसाई आयडीसी येथील दोन भंगार यार्डची तपासणी केली. मामलतदारांनी यावेळी यार्डच्या लोकांना कचरा साफ करण्याचे निर्देश दिले. आतापर्यंत पाणी आणि वीजपुरवठा खंडित करावा लागला आहे. तीन दिवसांनंतर दोन्ही भंगार यार्ड सील केले जातील.

गोवा येथील मुंबई उच्च न्यायालयात सर्व गोवा टीव्ही केबल आणि सेवा पुरवठादार संघटनेच्या याचिकेवर उद्या म्हणजेच बुधवारी (5 मार्च) तर सर्व गोवा इंटरनेट सेवा पुरवठादार संघटनेच्या याचिकेवर 11 मार्च रोजी सुनावणी होणार आहे. संबंधित अधिकाऱ्यांकडे परवानगीसाठी अर्ज करण्यापूर्वी त्यांना थकबाकीच्या 20 टक्के रक्कम जमा करण्यास सांगण्यात आले आहे.

फोंड्यातून उसगांव दिशेने जात असता रस्त्याच्या डिवायडरला दुचाकी धडकल्याने पेंटींग कंत्राटदार चंद किशोर (वय 55) यांचा मृत्यू झाला. पोलिसांना घटनास्थळी पोहोचून तपास सुरु केला आहे.

भाजपचे राष्ट्रीय सरचिटणीस बी.एल.संतोष गोव्यात दाखल. प्रदेशाध्यक्ष दामू नाईक यांनी केले स्वागत.

रेवोडो येथे ७० वर्षीय देवानंद शिंदे यांचा मृतदेह पाण्यात तरंगताना आढळला. म्हापसा पोलिसांचा तपास सुरू आहे.

विवाह नोंदणीसाठी बनावट रहिवाशी दाखला सादर केल्या प्रकरणात फातोर्डा पोलिसांनी गेरार्ड जूड वेटमेन याला बंगळुरू येथे ताब्यात घेऊन नंतर अटक केली तर याच प्रकरणात त्याचा साथीदार जो डिसोझा याला राय येथे अटक केली.

भविष्यात गोवा मानव संसाधन विकास महामंडळाच्या कर्मचाऱ्यांना सरकार बोनस व गृहकर्ज देण्याच्या विचारात आहे. हा कर्मचाऱ्यांना सरकारी कर्मचाऱ्यांच्या पातळीवर आणण्याचा विचार आहे. यापुढे या त्यांच्या पगारातील सेवाकर सरकार भरणार. सर्वात उशीरा स्थापन होऊन सर्वात प्रथम स्वावलंबी होणारे हे एकमेव महामंडळ. मुख्यमंत्र्यांकडून जीएचआरडीसीच्या कामगारांना घोषणांची खैरात.

देउलवाडा बोरी येथे गजंतलक्ष्मी या सोन्याच्या दागिन्याच्या दुकानाला आग. दुकान मालक संकेत कारेकर जखमी. या दुर्घटनेत एसी जाळून खाक. जखमी उपजिल्हा हॉस्पिटल मध्ये दाखल.फोंडा अग्निशमन दलाचे अधिकारी सुशील मोरजकर व कर्मचाऱ्यांनी आग विझविली.

बांबोळी येथील जीएमसीत ज्येष्ठ नागरिकांना नोंदणी प्रक्रियेदरम्यान होणाऱ्या अडचणी व त्रास यावर उपाय म्हणून त्यांच्यासाठी स्वतंत्र काऊंटर उपलब्‍ध करून देण्‍यात आला आहे अशी माहिती आरोग्यमंत्री विश्‍‍वजीत राणे यांनी दिली.

पणजीतील जुने सचिवालय येथे क्रेन आणि कदंब ईव्ही बसमध्ये अपघात झाला. सुदैवाने बस रिकामी होती त्यामुळे कोणी जखमी झाले नाही.

महाराष्ट्र सरकारातील मंत्री धनंजय मुंडेंना राजीनामा देण्याची मुख्यमंत्री फडणवीसांची सुचना. मस्साजोगचे सरपंच संतोष देशमुखांच्या हत्येचे फोटो प्रसिद्ध झाल्यानंतर महाराष्ट्रात संतापाची लाट.