Mapusa Crime Case: प्रभू श्रीरामांबाबत सोशल मीडियावर आक्षेपार्ह पोस्ट; हिंदू संघटना आक्रमक

Mapusa Crime Case: काल 22 जानेवारीला अयोध्येत राम मंदिर प्राणप्रतिष्ठापना सोहळा पार पडला. लाखो राम भक्तांसाठी हा जिव्हाळ्याचा आणि अभिमानाचा हा क्षण असून काल दिवसभर देशात आणि सर्व राज्यात ठिकठिकाणी धार्मिक, सांस्कृतिक अशा विविध कार्यक्रमांचे आयोजन करण्यात आले होते.

दरम्यान या उत्साहाच्या दिवशी गोव्यातील एका कार्यक्रमावेळी सोशल मीडियावरच्या एका पोस्टवर प्रभू श्री रामाविरोधात आक्षेपार्ह पोस्ट केल्याची घटना गोव्यात घडली आहे.

या घटनेनंतर तीव्र शब्दात प्रतिक्रिया उमटल्या असून या संबंधीत व्यक्तीविरोधात तक्रार दाखल करुन अटक करण्याची मागणी गोमंतक स्वराज्य संस्था आणि म्हापसा येथील युवकांनी केली आहे.

या व्यक्तीचा शोध घेऊन त्याला लवकरात लवकर अटक व्हावी यासाठी आज म्हापसा पोलीस स्टेशनमध्ये प्रवीण असोलकर, स्वराज्य गोमंतक संघटना तसेच इतर सर्व हिंदू संघटनांनी पोलिसांना घेराव घातल्यावर पोलिसांनी या घटनेची सविस्तर चौकशी करून संबंधितांवर कारवाई करण्याचे आश्वासन दिले आहे.

काही दिवसांपूर्वी पर्वरी येथे अयोध्येतील राम मंदिराच्या कार्यक्रमाचा लावलेला बॅनर फाडल्याने तणाव निर्माण झाला होता.

त्या घटनेनंतर पोलिस कायदा-सुव्यवस्था बाधित राहावी यासाठी तातडीने घटनास्थळी दाखल झाले होते. बॅनर लावलेल्या परिसरातील cctv फुटेज तपासून त्यांनी बॅनर फडणाऱ्याला तब्यत घेत त्याच्यावर कारवाई केली होती.