Goa News: भोम राष्ट्रीय महामार्ग रुंदीकरण, देवस्थान सुरक्षित: मंत्री गोविंद गावडे

भोम येथील नियोजित राष्ट्रीय महामार्ग रुंदीकरणावेळी या भागातील कोणत्याही देवस्थानला धक्का पोहोचणार नाही. तसेच रुंदीकरणासाठी जाणाऱ्या घरांचे पुनर्वसन आणि जमीनदारांना योग्य मोबदला देणार. स्थानिक देवस्थानाला धक्का पोहोचत असल्यास स्वतः भोमवासीयांच्या लढ्याचे नेतृत्व करण्याचे मंत्री गोविंद गावडे यांचे आश्वासन.

कुळे दूधसागर पर्यटन हंगामाचा प्रश्न सोडवून व काऊंटर बंद करण्यासाठी सावर्डे मतदार संघातील भाजप कार्यकर्ते एकत्रित. काऊंटर बंद करण्यासाठी लवकरच मुख्यमंत्री डॉ. प्रमोद सावंत यांच्याकडे आमदारसहित चर्चा करणार.

अन् पंढरपूरच्या विठूरायाच्या दर्शनाचे 'तीचे' स्वप्न राहिले अपुरे..! गुरुवारी डिचोलीच्या बाजारात अचानक कोसळलेली 'ती' महिला मृत्यूमुखी. मये येथील मृत सुधा चोडणकर या आज सायंकाळी जाणार होत्या पंढरपुरला.

इयत्ता नववीतील उर्दू विषयाच्या प्रथम सत्र परिक्षेत प्रश्नपत्रिकेसमवेत उत्तरपत्रिका पोहचण्याची चूक ही गोवा बोर्डची आहे. गोवा बोर्ड अध्यक्ष भगिरथ शेट्ये यांच्याकडून चूक मान्य. गोमन्तक टीव्हीने ही बातमी सोशल मिडियाच्या माध्यमातून प्रसारित केली होती.

खासगी विद्यापीठाच्या प्रकल्पाला तिवीवासीयांसह खरगली ग्रामस्थांचा विरोध. या प्रकल्पामुळे संसाधनांवर, जमिनीच्या अधिकारांवर आणि भावी पिढ्यांवर परिणाम होईल, असे ग्रामस्थांचे म्हणणे आहे.

नेत्यांच्या नावांचा गैरवापर करुन लोकांना व्हाट्सअॅपद्वारे टार्गेट करण्याचे प्रयत्न सुरु आहेत. कृषीमंत्री रवी नाईक, वाहतूकमंत्री मॉविन गुदिन्हो यांच्यानंतर आता अज्ञाताने आमदार जीत आरोलकर आणि निलेश काब्राल यांची नावे वापरुन लोकांची फसवणूक सुरु केल्याचे उघड. पोलिसांत तक्रार दाखल.

बरभाट, शंकरवाडी -ताळगाव येथे पालखी मिरवणूकीवेळी अडवणूक करुन धार्मिक तेढ निर्माण करणाऱ्याला पोलिसांनी ताब्यात घेतले.

इयत्ता नववीच्या उर्दू विषयाच्या प्रश्नपत्रिकेत घोळ. प्रथम सत्र परिक्षेच्या प्रश्नपत्रिकेसमवेत उत्तरपत्रिका. डिचोलीतील शाळांनी प्रकार उघडकीस. गोवा बोर्डाचा निष्काळजीपणा उघड्यावर.

बेतोडा पंचायत क्षेत्रातील मनकटेमळ - निरंकाल येथील प्रभा प्रकाश सामंत (६८) या वृद्ध महिलेचा बागायतीतील तळीत बुडून मृत्यू.