Goa News: बनावट आयकर प्रमाणपत्र, सिद्दीकी सुलेमानला अटक आणि गोव्यातील महत्वाच्या घडामोडी

फोंडा नगरपालीकामध्ये एक बनावट आयकर प्रमाणपत्र सापडले आहे. या संदर्भात पोलिस तक्रार नोंदवली असून पोलिस तपास सुरू आहे.

सावंत सरकारमधील मंत्री गोविंद गावडे यांचा एक व्हिडिओ सोशल मीडियावर व्हायरल होतोय. ज्यामध्ये ते प्रसिद्ध मराठी गाणं 'ढगाला लागली कळ, पाणी...' म्हणताना दिसत आहेत.

सिद्दीकी सुलेमानला अटक करणं हे आमचं प्राथमिक उद्दिष्ट आहे. त्याला अटक केल्यानंतर त्याच्याकडून व्हिडिओमध्ये केलेल्या दाव्यांची चौकशी केली जाईल, असे राज्याचे पोलिस महासंचालक आलोक कुमार यांनी सांगितले.

धारबांदोडा येथील आरटीओ कार्यालयात गेले आठ दिवस इंटरनेट सेवा बंद असल्याने लोकांना वाहनांची व लाईसेंस प्रत काढण्यास मिळत नाही. संबंधित खात्याचे यावर दुर्लक्ष.

प्रमोद सावंत यांनी मुख्यमंत्री पदावरून पायउतार व्हावे. गोवा 'गँग्स ऑफ वासेपूर'मध्ये बदलत आहे, असे काँग्रेस नेते सुनील कवठणकर यांनी म्हटले आहे.

गोव्यातील एकूण ४३ कनिष्ठ सरकारी अधिकाऱ्यांना वरिष्ठ स्तरावर पदोन्नती मिळाली आहे.

सावर्डे येथे झालेल्या भीषण अपघातात तरुणाला जीव गमवावा लागला. कुडचडे पोलिसांचा तपास सुरू असून अधिक तपशीलांची प्रतीक्षा आहे.