Goa News Updates: '...तर मी सभापतीपदाचा राजीनामा देईन', तवडकरांचा सरकारला थेट इशारा; वाचा दिवसभरातील घडामोडी

जर 'अशा' वृत्तींना सरकार आणि पक्ष थारा देणार असेल तर मान सन्मानासाठी आणि गोव्याच्या जनतेसाठी मी सभापतीपदाचा राजीनामा देऊन मोकळा होईन. उटाच्या व्दिशतकपूर्ती कार्यक्रम आयोजनाच्या पार्श्वभूमीवर सभापती रमेश तवडकरांचा सरकार आणि भाजपला थेट इशारा.

कॅश फॉर जॉब प्रकरणी प्रिया यादव हिच्या पोलिस कोठडीत वाढ. डिचोलीच्या न्यायालयाकडून आणखी तीन दिवसांचा रिमांड. सात दिवसांच्या पोलिस कोठडीची मुदत संपल्याने मंगळवारी रिमांडसाठी न्यायालयात केले होते हजर.

कॅश फॉर जॉब प्रकरणात गुंतलेल्यांना सरकार सोडणार नाही. त्यांची मालमत्ता जप्त करुन फसवणूक झालेल्या लोकांचे परत केले जातील, अशी तंबी मुख्यमंत्री सावंत यांनी दिली. तसेच, आतापर्यंत 18 जणांवर कारवाई करण्यात आल्याचेही त्यांनी सांगितले.

भाजप सरकार भ्रष्टाचाराला कधीही पाठबळ देणार नाही. सरकारी नोकऱ्यांची आमिषे दाखवून लोकांना फसवलेल्या 18 जणांवर आतापर्यंत कारवाई करण्यात आली आहे. अशाप्रकारे फसवणूक करणाऱ्यांना सरकार अजिबात सोडणार नाही, असे भाजप प्रदेशाध्यक्ष नरेंद्र सावईकर यांनी सांगितले.

टास्क फोर्स समितीची आढावा बैठक मंगळवारी (दि. १२ नोव्हेंबर) रोजी पार पडली. २ दिवस कला अकदामीच्या ध्वनी, लाईट आणि आर्किटेक्टचे रॉजर ड्रेगो, शीतल तळपदे आणि राजन भिसे यांच्याकडून परीक्षण करण्यात आले. एका आठवड्यात ते अहवाल सादर करतील, त्यानंतर पुढील निर्णय घेण्यात येईल अशी माहिती टास्क फोर्स समितीचे अध्यक्ष विजय केंकरे यांनी दिली.

कॅश फॉर जॉब घोटाळ्यात अटक करण्यात आलेल्या दीपश्री सावंत गवस हिला कोर्टाने एकूण ४ दिवसांची पोलीस कोठडी सुनावली आहे.

IMD ने १४ नोव्हेंबर आणि १५ नोव्हेंबर या दोन्ही दिवसांसाठी गोव्यात यलो अलर्ट जारी केला आहे. दरम्यान राज्यात विजा आणि सोसाट्याच्या वाऱ्यासह गडगडाटी वादळ (30-40 किमी प्रतितास) होण्याची शक्यता विभागाकडून वर्तवली गेली आहे.

बेकारदेशीर घरे पडण्याची नोटीस मिळाल्यानंतर कुचेली, म्हापसा येथील सरकारी जमिनीवर बांधलेली घरे पडण्याची प्रक्रिया सुरु झाली आहे. या ठिकाणी सध्या तगडा पोलीस बंदोबस्त तैनात ठेवण्यात आलाय.

कार्तिकी एकादशी निमित्त उस्ते सत्तरी येथील श्रीराम वारकरी मंडळीतर्फे उस्ते ते विठ्ठलापूर साखळी पायीवारी.

सरकारी नोकरी देण्याच्या बहाण्याने सुमारे दीड कोटी रुपयांची फसवणूक करणाऱ्या संशयित श्रुती प्रभुगावकरला फोंडा पोलिसांनी अटक केली आहे. पोलिसांकडून अटक करण्यापूर्वी तिच्या नावे लुकआउट नोटीस जारी करण्यात आली होती.